ກອງປະຊຸມຄົບຄະນະ ສະມາຊິກສະພາວິທະຍາສາດການທະຫານ ກະຊວງປ້ອງກັນປະເທດ

ສະຫາຍ ພົນໂທ ສຈ ປອ ທອງລອຍ ສີລິວົງ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າ ກົມໃຫຍ່ການເມືອງກອງທັບ ​ເປັນ​ປະທານ

    ວັນທີ 30 ກໍລະກົດ 2024 ນີ້ຢູ່ ກະຊວງປ້ອງກັນປະເທດ ໄດ້ຈັດກອງປະຊຸມຄົບຄະນະສະມາຊິກສະພາວິທະຍາສາດ ການທະຫານ ກະຊວງ
ປ້ອງກັນປະເທດ ຂຶ້ນໂດຍການເປັນປະທານຂອງ ສະຫາຍ ພົນໂທ ສຈ ປອ ທອງລອຍ ສີລິວົງ ກຳມະການສູນກາງພັກ ຮອງລັດຖະມົນຕີກະຊວງ
ປ້ອງກັນປະເທດ ຫົວໜ້າກົມໃຫຍ່ການເມືອງ ກອງທັບ ປະທານສະພາວິທະຍາສາດຂັ້ນກະຊວງ, ມີບັນດາສະຫາຍສະມາຊິກສະພາວິທະຍາສາດ ຂັ້ນ
ກະຊວງປ້ອງກັນປະເທດເຂົ້າຮ່ວມ.

     ສະຫາຍພົນ ຈັດຕະວາ ພູມີ ດາລາເພັດ ຮອງຫົວໜ້າ ກົມໃຫຍ່ການເມືອງກອງທັບ ໄດ້ຂຶ້ນຜ່ານບົດ ລາຍງານຜົນສຳເລັດຂອງການຈັດຕັ້ງປະຕິ
ບັດໜ້າທີ່ວຽກງານ ສະພາວິທະຍາສາດ ກະຊວງປ້ອງກັນປະເທດ ໃນໄລຍະຜ່ານມາໂດຍປະຕິບັດຕາມທີ່ຕັ້ງພາລະບົດບາດ, ຂອບເຂດສິດໜ້າທີ່ໂຄງ
ປະກອບການຈັດຕັ້ງ, ການເຄື່ອນໄຫວຂອງ ສະພາວິທະຍາສາດ ການທະຫານ ສະບັບປັບປຸງສາມາດເຮັດສຳເລັດໜ້າທີ່ຂອງຕົນເປັນຢ່າງດີ ໂດຍສະ
ເພາະຂົງເຂດວຽກງານຍຸດທະສາດປ້ອງກັນຊາດຂອງ ສ ປ ປ ລາວ, ເຕັກໂນໂລຊີປ້ອງກັນຊາດ, ວຽກງານສິ່ງແວດລ້ອມ, ນະວັດຕະກຳສິ່ງປະດິດໃໝ່
ສາມາດຄົ້ນຄວ້າປະດິດອອກມາຮັບໃຊ້ໄດ້ເປັນຕົ້ນ ແມ່ນເຄື່ອງມືການແພດ,ໂດຼນສອດແນມທາງການທະຫານ ແລະ ສາມາດໃຊ້ໂຈມຕີສັດຕູຂອງຈຸ
ຄົ້ນຄວ້າເຫຼົ່າລົບທະຫານອາກາດ, ການຄົ້ນຄວ້າອອກແບບປືນໃຫຍ່ຕິດໃສ່ລົດສູ້ຮົບຂອງຈຸຄົ້ນຄວ້າກົມໃຫຍ່ເຕັກນິກ, ການຄົ້ນຄວ້າອອກແບບລົດ
ກວດ ແລະ ທຳລາຍມີນຂອງຈຸ ຄົ້ນຄວ້າກົມໃຫຍ່ເສນາທິການກອງທັບ, ການຄົ້ນຄວ້າ ແລະ ອອກແບບເສື້ອເກາະກັນກະສຸນຂອງຈຸຄົ້ນຄວ້າ ກົມວິ
ທະຍາສາດ-ປະຫວັດສາດການທະຫານ. ໃນໄລຍະດຽວກັນຄຽງຄູ່ກັບຜົນງານທີ່ສາມາດຍາດມາໄດ້ນັ້ນລັດຖະບານຈິ່ງ ໄດ້ອອກດຳລັດແຕ່ງຕັ້ງ ສຈ
ແລະ ຮອງ ສຈ ໃຫ້ນາຍທະຫານຂັ້ນສູງຂອງ ກະຊວງປ້ອງກັນປະເທດ,ໃນນັ້ນດຳລົງຕຳແໜ່ງ ສຈ ມີ 2 ສະຫາຍ ແລະ ດຳລົງຕຳແໜ່ງຂັ້ນຮອງ ສຈ
ມີ 7 ສະຫາຍ.

     ເພື່ອສືບຕໍ່ເຮັດວຽກງານ ວິທະຍາສາດ ການທະຫານຂັ້ນ ກະຊວງປ້ອງກັນປະເທດ ໃຫ້ສາມາດຈັດຕັ້ງປະຕິບັດ ໄດ້ດີມີຜົນສຳເລັດຢ່າງຈົບງາມ
ນັ້ນ ກະຊວງປ້ອງກັນປະເທດ ອອກຂໍ້ຕົກລົງແຕ່ງຕັ້ງ ສະພາວິທະຍາສາດ ການທະຫານ ແລະ ກອງເລຂາ ສະບັບເລກທີ 1607/ກປທ, ລົງວັນທີ 16
ກໍລະກົດ 2024 ອີງຕາມເນື້ອໃນມະຕິກອງປະຊຸມຄັ້ງທີ XI ຂອງພັກກ່ຽວກັບການປັບປຸງກໍ່ສ້າງກອງທັບ ໃຫ້ກາຍເປັນກອງທັບປະຕິວັດ ທີ່ມີແບບ
ແຜນທັນສະໄໝ, ອີງຕາມມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ ກ່ຽວກັບວຽກງານຄົ້ນຄວ້າວິທະຍາ ສາດ-ປະ
ຫວັດສາດກອງທັບ ໄປຕາມທິດທີ່ມີແບບແຜນທັນສະໄໝ, ອີງຕາມໜັງສືສະເໜີຂອງ ກົມໃຫຍ່ການເມືອງ ກອງທັບ ສະບັບ ເລກທີ 4849/ກມທ,
ລົງວັນທີ 16 ກໍລະກົດ 2024 ກະຊວງປ້ອງກັນປະເທດ ຕົກລົງແຕ່ງຕັ້ງສະພາວິທະຍາສາດ ກະຊວງປ້ອງກັນປະເທດ ປະກອບມີລາຍຊື່ດັ່ງນີ້: 1./ສະ
ຫາຍ ພົນໂທ ສຈ ປອ ທອງລອຍ ສີລິວົງ ຮອງລັດຖະມົນຕີ ກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບເປັນປະທານ, 2./ສະຫາຍ
ພົນໂທ ສຈ ປອ ວົງຄຳ ພົມມະກອນ ຮອງລັດຖະມົນຕີ ກະຊວງປ້ອງກັນປະເທດ ເປັນຮອງປະທານ, 3./ ສະຫາຍ ພົນຕີ ປະສິດ ທ່ຽງທຳ ຮອງລັດ
ຖະມົນຕີ ກະຊວງປ້ອງກັນປະເທດ ເປັນຮອງປະທານ.

     ນອກນີ້ຍັງມີບັນດາສະຫາຍຈາກພາກ ສ່ວນກ່ຽວຂ້ອງ 14 ສະຫາຍເປັນຄະນະ ແລະ ຍັງໄດ້ແຕ່ງຕັ້ງກອງເລຂາຜູ້ປະຈຳການເປັນເສນາທິການໃຫ້
ສະພາວິທະຍາສາດການທະຫານ ຂັ້ນກະຊວງ ປະກອບມີ 5 ສະຫາຍ ຕື່ມອີກ.

ແຫຼ່ງຂ່າວໂດຍ ສອນໄຊ
ວັນທີ 01/08/2024