ເຜີຍແຜ່ເອກະສານຜູ້ສັ່ງການເອກຂັ້ນສອງ ແລະ ເອກະສານການເງິນ

ພົນຈັດຕະວາ ວົງສັກ ສີພັນດອນ ກຳມະການຄະນະພັກ ກະຊວງປ້ອງກັນປະເທດ ຮອງຫົວໜ້າ ກົມໃຫຍ່ພະລາທິການກອງທັບ ​ເປັນ​ປະທານ

    ໃນວັນທີ 27 ມິຖຸນາ 2024 ນີ້, ຢູ່ກອງພົນທີ 5 ໄດ້ຮັບກຽດເປັນເຈົ້ນພາບຈັດກອງປະຊຸມເຜີຍແຜ່ 2 ເອກະສານຄື: ເອກະສານຜູ້ສັ່ງການ
ເອກຂັ້ນສອງ ແລະ ເອກະສານວຽກງານການເງິນຂຶ້ນ ໂດຍການເປັນປະທານຂອງ ສະຫາຍ ພົນຈັດຕະວາ ວົງສັກ ສີພັນດອນ ກຳມະການຄະນະ
ພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ພະລາທິການກອງທັບ, ມີຄະນະພັກ-ຄະນະບັນຊາ, ຜູ້ຮັບຜິດຊອບວຽກງານພະລາທິການ-ພະ
ນັກງານການເງິນ ຈາກກອງພົນທີ 4, ກອງພົນທີ 5, ກອງບັນຊາການທະຫານແຂວງສະຫວັນນະເຂດ, ຄຳມ່ວນ, ຈຳປາສັກ, ສາລະວັນ, ເຊກອງ,
ອັດຕະປື, ກອງພັນໃຫຍ່ 644, ກອງພັນໃຫຍ່ 645, ກອງພັນໃຫຍ່ 611, ໂຮງຮຽນເລກ 2 ວຽງໄຊ, ໂຮງໝໍບໍລິເວນ106–109 ກອງທັບ, ພະ
ແນກການ, ຕະຫຼອດຮອດພະນັກງານທີ່ກ່ຽວຂ້ອງເຂົ້າຮ່ວມ.

     ໂອກາດດັ່ງກ່າວ, ສະຫາຍ ພັນເອກ ສີສະຫັວນ ກົມມະເມືອງ ຮອງຫົວໜ້າກົມການເງິນ ກົມໃຫຍ່ພະລາທິການກອງທັບ ໄດ້ຂຶ້ນຜ່ານເອກະ
ສານ ວ່າດ້ວຍເງິນຊ່ວຍອຸດໜູນ, ເງິນອຸດໜູນ, ແລະ ເງິນເພີ່ມໃນກອງທັບປະຊາຊົນລາວ ແລະ ເອກະສານກ່ຽວກັບມາດຖານເງື່ອນໄຂ, ໜ້າທີ່ ແລະ
ພາລະບົດບາດຂອງຜູ້ສັ່ງການເອກຂັ້ນ 2 ໃນການເຜີຍແຜ່ເອກະສານຄັ້ງນີ້ ກໍ່ເພື່ອເຮັດໃຫ້ຄະນະພັກ-ຄະນະບັນຊາ, ພະນັກງານວິຊາສະເພາະການເງິນ
ໃນກຳລັງຫຼວງ-ກຳລັງທ້ອງຖິ່ນ ໄດ້ຮັບຮູ້ ແລະ ເຂົ້າໃຈ ເຮັດໃຫ້ມີຄວາມເປັນເອກະພາບ ພ້ອມກັນຈັດຕັ້ງປະຕິບັດໃຫ້ຖືກຕ້ອງເຂັ້ມງວດ. ໂອກາດດັ່ງ
ກ່າວ, ສະຫາຍ ພົນຈັດຕາ ວົງສັກ ສີພັນດອນ ກຳມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ພະລາທິການກອງທັບ ໄດ້ໃຫ້
ກຽດໂອ້ລົມ ເຊິ່ງກ່ອນອື່ນສະຫາຍໄດ້ຍົກໃຫ້ເຫັນສະພາບການຂອງໂລກ ແລະ ພາກພື້ນທີ່ມີການຜັນແປໄປຢ່າງສັບສົນ ເຊິ່ງມັນໄດ້ສົ່ງຜົນສະທ້ອນ
ຕໍ່ການປະຕິບັດໜ້າທີ່ວຽກງານ, ການດຳລົງຊີວິດໃນປະຈຸບັນ ຕໍ່ໜ້າສະພາບການດັ່ງກ່າວ ສະຫາຍປະທານຍັງໄດ້ຮຽກຮ້ອງມາຍັງຄະນະພັກ -ຄະນະ
ບັນຊາ ຕ້ອງພ້ອມກັນເພີ່ມທະວີວຽກງານສຶກສາອົບຮົມການເມືອງແນວຄິດ ໃຫ້ພະນັກງານ-ນັກຮົບ ໃຫ້ເປັນປົກກະຕິ, ເອົາໃຈໃສ່ຝຶກຝົນຫຼໍ່ຫຼອມ
ຄຸນທາດການເມືອງ ຄຸນສົມບັດສິນທຳປະຕິວັດ ຕິດພັນກັບການປະຕິບັດໜ້າທີ່ວິຊາສະເພາະການເງິນໃຫ້ມີຄວາມເຂັ້ມງວດ ມີຄວາມໂປ່ງໃສ ສາມາດ
ກວດກາໄດ້ ຈາກນັ້ນພາຍຫຼັງກັບຄືນກົມກອງແລ້ວ ກໍ່ຕ້ອງນຳເອົາເນື້ອໃນຂໍ້ຕົກລົງທີ່ເຜີຍແຜ່ໃນຄັ້ງນີ້ ນຳໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ
ທັງນີ້ກໍ່ ເພື່ອສ້າງໃຫ້ກົມກອງຮັບປະກັນເຮັດສຳເລັດໜ້າທີ່.

ແຫຼ່ງຂ່າວໂດຍ ແສງອາທິດ ສີດາໄລ
ວັນທີ 01/07/2024