ປະກາດການແຕ່ງຕັ້ງຫົວໜ້າການເມືອງ ກອງບັນຊາການທະຫານແຂວງ ບໍລິຄຳໄຊ

    ພິທີປະກາດແຕ່ງຕັ້ງຫົວໜ້າການເມືອງ ກອງບັນຊາການທະຫານແຂວງ ບໍລິຄຳໄຊ ໄດ້ຈັດຂຶ້ນວັນທີ 28 ມີນາ 2025 ນີ້, ໂດຍການ
ເປັນປະທານ ຂອງສະຫາຍ ພົນໂທ ສຈ ປອ ທອງລອຍ ສິລິວົງ ກໍາມະການຄະນະປະຈໍາພັກກະຊວງ, ຮອງລັດຖະມົນຕີກະຊວງປ້ອງກັນ
ປະເທດ, ມີສະຫາຍ ປອ ສອນທະນູ ທໍາມະວົງ ກໍາມະການສູນກາງພັກ, ເລຂາພັກແຂວງ ເຈົ້າແຂວງ ບໍລິຄໍາໄຊ, ມີບັນດາຄະນະພັກ-ຄະ
ນະບັນຊາອົງການ 5 ຫ້ອງ ແລະ ພະນັກງານຫຼັກແຫຼ່ງທົ່ວກອງບັນຊາການທະຫານແຂວງບໍລິຄໍາໄຊ ເຂົ້າຮ່ວມ.

     ສະຫາຍ ພັນເອກ ຄໍາເອ້ຍ ສຸກແສງເໜືອ ຮອງຫົວໜ້າກົມພະນັກງານ ກົມໃຫ່ຍການເມືອງກອງທັບ ໄດ້ຜ່ານ ດໍາລັດ ນາຍົກລັດຖະ
ມົນຕີ ວ່າດ້ວຍການແຕ່ງຕັ້ງຫົວໜ້າການເມືອງ ກອງບັນຊາການທະຫານແຂວງ ບໍລິຄໍາໄຊ, ໃນນີ້ໄດ້ຕົກລົງແຕ່ງຕັ້ງ ສະຫາຍ ພັນເອກ ຈັນ
ນີ ສີສຸກ ເປັນຫົວໜ້າການເມືອງ ກອງບັນຊາການທະຫານແຂວງບໍລິຄໍາໄຊ (ຜູ້ໃໝ່), ຈາກນັ້ນສະຫາຍ ພົນຈັດຕະວາ ຈວງຈັນ ລາດຊະວົງ
ຫົວໜ້າການເມືອງ ກອງບັນຊາການທະຫານແຂວງບໍລິຄໍາໄຊ (ຜູ້ເກົ່າ) ໄດ້ຜ່ານບົດສະຫຼຸບໂດຍຫຍໍ້ ໃນດໍາລົງຕໍາແໜ່ງ ເປັນຫົວໜ້າການ
ເມືອງໃນໄລຍະຜ່ານມາ ເຊິ່ງໄດ້ເປັນເຈົ້າການເອົາໃຈໃສ່ ນໍາພາ-ຊີ້ນຳ ວຽກງານຕ່າງໆ ຕາມພາລະບົດບາດ, ໜ້າທີ່ ຂອງຕົນ ເຊິ່ງສາມາດສ້າງ
ໄດ້ຜົນງານຫຼາຍດ້ານ ເປັນຕົ້ນແມ່ນຮັກສາໄດ້ຄວາມສາມັກຄີ ເຮັດໃຫ້ສະພາບມີຄວາມສະຫງົບ, ພະນັກງານ-ສະມາຊິກພັກ ມີແນວຄິດ
ການເມືອງໜັກແໜ້ນ, ມີຄວາມຈົ່ງຮັກພັກດີ ຕໍ່ປະເທດຊາດ, ຕໍ່ພັກ, ຕໍ່ປະຊາຊົນ ຜົນງານດັ່ງກ່າວ, ຍ້ອນມີການນໍາພາຢ່າງໃກ້ຊິດ ຂອງຄະ
ນະພັກຂັ້ນເທິງ ກໍຄືຄະນະພັກແຕ່ລະຂັ້ນ ເຮັດໃຫ້ມີຜົນສໍາເລັດຢ່າງຈົບງາມຕະຫຼອດມາ. ສະຫາຍ ພັນເອກ ຈັນນີ ສີສຸກ ໄດ້ກ່າວຮັບໜ້າທີ່
ພ້ອມທັງໃຫ້ຄຳໝັ້ນສັນຍາວ່າ: ຈະໃຊ້ທຸກຄວາມຮູ້ ຄວາມສາມາດເຂົ້າໃນການຈັດຕັ້ງປະຕິບັດໜ້າທີ່ໃຫ້ດີທີ່ສຸດ ຕາມທິດຊີ້ນໍາ ຂອງຂັ້ນເທິງ
ໃຫ້ມີຜົນສໍາເລັດ. ຈາກນັ້ນ, ໄດ້ພ້ອມກັນລົງນາມບົດບັນທຶກ ການມອບ-ຮັບ ໜ້າທີ່ ລະຫວ່າງ ຫົວໜ້າການເມືອງ (ຜູ້ເກົ່າ) ແລະ (ຜູ້ໃໝ່)
ຢ່າງເປັນທາງການ.

     ສະຫາຍ ພົນໂທ ສຈ ປອ ທອງລອຍ ສິລິວົງ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ ສະຫາຍ ຫົວໜ້າການເມືອງ ຜູ້ເກົ່າ ສ້າງ
ໄດ້ຜົນງານຫຼາຍດ້ານໃນໄລຍະຜ່ານມາ, ພ້ອມທັງເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ ຈົ່ງສືບຕໍ່ເອົາໃຈໃສ່ສຶກສາອົມຮົບການເມືອງ-ນຳພາແນວ
ຄິດ, ຕັ້ງໜ້າເຝິກຝົນຫຼໍ່ຫຼອມຕົນເອງໃນທຸກດ້ານ, ເພີ່ມທະວີບົດບາດໃນການນຳພາ-ຊີ້ນໍາ ທຸກຂົງເຂດວຽກງານທີ່ຕົນເອງຮັບຜິດຊອບ ໃຫ້ມີ
ຄຸນນະພາບສູງ, ຕັ້ງໜ້າປະຕິບັດບັນດາຂໍ້ກໍານົດ, ກົດລະບຽບ ຂອງກອງທັບວາງອອກໃຫ້ເຂັ້ມງວດ ເພື່ອພ້ອມກັນເຮັດສຳເລັດໜ້າທີ່ ທີ່ການ
ຈັດຕັ້ງຂັ້ນເທິງມອບໝາຍໃຫ້.

ແຫຼ່ງຂ່າວໂດຍ ຂກທ
ວັນທີ 01/04/2025