ຫົວໜ້າກົມໃຫຍ່ເສນາທິການກອງທັບ ເຄື່ອນໄຫວເຮັດວຽກ
ຢູ່ວິທະຍາຄານນາຍທະຫານບົກກົມມະດຳ
ວັນທີ 24 ກຸມພາ 2023 ນີ້, ສະຫາຍ ພົນໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ວິທະຍາຄານນາຍທະຫານບົກກົມມະດຳ, ໂດຍໃຫ້ກຽດຕ້ອນຮັບຂອງ ສະຫາຍ ພົນຈັດຕະວາ ຖາວອນ ແກ້ວ ອິນທະວົງ ຫົວໜ້າການເມືອງ ວິທະຍາຄານນາຍທະຫານບົກກົມມະດຳພ້ອມດ້ວຍຄະນະ, ມີຄະນະພັກ-ຄະນະອຳນວຍການ, ຄະນະຫ້ອງ, ພະແນກການ -ກອງພັນ ແລະ ພະນັກງານຫຼັກແຫຼ່ງເຂົ້າຮ່ວມ. ສະຫາຍ ພັນເອກ ບົວໄລ ສີລັກສາ ຫົວໜ້າການທະຫານວິທະຍາຄານນາຍທະຫານບົກກົມມະດຳໄດ້ລາຍ ງານໃຫ້ຊາບ ໂດຍຫຍໍ້ສະພາບຈຸດພິເສດ, ທີ່ຕັ້ງພາລະບົດບາດ ແລະ ໂຄງປະກອບການຈັດ ຕັ້ງ, ວິທະຍາຄານ ມີພາລະບົດບາດສິດສອນບຳລຸງ-ກໍ່ສ້າງນາຍ ສິບ ແລະ ນາຍທະຫານສືບທອດ ເພື່ອປະກອບໃຫ້ແກ່ກຳລັງຫຼວງ-ກຳລັງທ້ອງຖິ່ນໃນທົ່ວປະເທດ ແລະ ໄດ້ເອົາໃຈໃສ່ປັບປຸງກໍ່ສ້າງກົມກອງໃຫ້ມີຄວາມໜັກ ແໜ້ນເຂັ້ມແຂງຮອບດ້ານ ເພື່ອເຮັດໜ້າທີ່ກຽມພ້ອມສູ້ຮົບ ແລະ ນອກນີ້ ຍັງເປັນກຳລັງຫຼັກແຫຼ່ງໃນວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍ ໄດ້ຊີ້ນຳພາກສ່ວນທີ່ກ່ຽວຂ້ອງລົງສົມທົບກັບອຳນາດການປົກຄອງບ້ານອ້ອມຂ້າງ ປຸກລະດົມປະຊາຊົນເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະ ຫງົບ ເຮັດໃຫ້ສະພາບມີຄວາມສະຫງົບປອດໄພ ແລະ ຍັງໄດ້ເອົາໃຈໃສ່ຊີ້ນຳວຽກງານເພີ່ມພູນຜະລິດຜົນຕາມທິດນຳ 4 ປູກ 4 ລ້ຽງ ບົນຈິດໃຈເພິ່ງຕົນ ເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບໃຫ້ນັບມື້ດີຂຶ້ນ.
ໂອກາດດັ່ງກ່າວ, ສະຫາຍ ພົນໂທ ຄຳລຽງ ອຸທະໄກສອນ ໄດ້ມີຄຳເຫັນໂອ້ລົມຫຼາຍບັນຫາສຳຄັນ ກໍໄດ້ເນັ້ນໜັກໃຫ້ຄະນະພັກ-ຄະນະບັນຊາ, ພະນັກງານ ຫຼັກແຫຼ່ງທົ່ວວິທະຍາຄານຈົ່ງພ້ອມເອົາ ໃຈໃສ່ຍົກສູງຄວາມຮັບຜິດຊອບການເມືອງ ຕໍ່ໜ້າທີ່ ທີ່ໄດ້ຮັບມອບໝາຍໃຫ້ສູງຂຶ້ນກວ່າເກົ່າ, ສືບຕໍ່ເຮັດວຽກງານ ສຶກສາອົບຮົມການເມືອງ-ແນວຄິດໃຫ້ພະ ນັກງານ-ນັກຮົບ ເປັນປົກກະຕິ ແລະ ຕໍ່ເນື່ອງ, ປັບປຸງແບບແຜນວິທີເຮັດວຽກແບບມີ ວິທະຍາສາດທັນສະໄໝ, ເຄົາລົບ ແລະ ປະຕິບັດຫຼັກການລວມສູນ ປະຊາທິປະໄຕເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ ຢ່າງລະອຽດຈະແຈ້ງ, ຍົກສູງຄຸນນະພາບທາງດ້ານ ການເມືອງ-ແນວຄິດເປັນກົກ, ເອົາໃຈ ໃສ່ດ້ານວິຊາສະເພາະມີຫົວຄິດປະດິດສ້າງ ແລະ ການຈັດຕັ້ງບັນຊາຕ້ອງມີແບບແຜນ ເພື່ອຍົກສູງຄວາມສາມາດທາງ ດ້ານສິລະປະຍຸດ-ຍຸດທະວິທີ, ຍົກສູງສະຕິການຈັດຕັ້ງລະບຽບວິໄນໃຫ້ເຂັ້ມງວດ, ວຽກງານລ້ຽງດູກອງທັບ ດ້ວຍການສ້າງພະລາທິການກັບທີ່ເພື່ອແກ້ໄຂຊີ ວິດການເປັນຢູ່ໃຫ້ດີຂຶ້ນ ພ້ອມກ້າວຂື້ນໃຫ້ມີລະບຽບແບບແຜນທັນສະໄໝ.
ແຫຼ່ງທີ່ມາ:ລຸນທອງ ສີບຸນເຮືອງ
ວັນທີ 28/02/2023