ຮອງລັດຖະມົນຕີກະຊວງປ້ອງກັນປະເທດ ຕ້ອນຮັບທີ່ປຶກສາທູດ
ຝ່າຍປ້ອງກັນຊາດ ສສ ມຽນມາ
ໃນວັນທີ 24 ກຸມພາ 2023 ນີ້, ທ່ານ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ ໄດ້ຕ້ອນຮັບການເຂົ້າຢ້ຽມຂ່ຳນັບອຳລາ
ຂອງ ທ່ານ ພົນຈັດຕະວາ ຈໍໂຊມິນ ທີ່ປຶກສາທູດຝ່າຍປ້ອງກັນຊາດ ແຫ່ງ ສສ ມຽນມາ ປະຈຳ ສປປ ລາວ ພ້ອມຄະນະເນື່ອງໃນໂອກາດທີ່ໝົດວາລະເຮັດ
ໜ້າທີ່ການທູດ ປະຈຳຢູ່ ສປປ ລາວ
ໂອກາດນີ້, ທ່ານ ພົນຕີ ຈັນທອງ ສອນຕະອາດ ໄດ້ສະແດງຄວາມຊົມເຊີຍຕໍ່ທີ່ປຶກສາທູດຝ່າຍປ້ອງກັນຊາດ ແຫ່ງ ສສ ມຽນມາ ທີ່ທ່ານໄດ້ສຳເລັດ
ໜ້າທີ່ວຽກງານການທູດປະຈຳຢູ່ ສປປ ລາວ ເຊິ່ງເປັນການປະກອບສ່ວນສຳຄັນຕໍ່ການພົວພັນຮ່ວມມືລະຫວ່າງລັດຖະບານແຫ່ງ ສປປ ລາວ ແລະ ລັດຖະ
ບານແຫ່ງ ສສ ມຽນມາ, ເວົ້າສະເພາະການພົວພັນຮ່ວມມື ລະຫວ່າງສອງກະຊວງປ້ອງກັນປະເທດ ລາວ ແລະ ສສ ມຽນມາ ທີ່ນັບມື້ໄດ້ຮັບການເສີມຂະ
ຫຍາຍຂຶ້ນເລື້ອຍໆ ເປັນຕົ້ນແມ່ນ ການແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນລະຫວ່າງສອງກອງທັບປະຊາຊົນລາວ ແລະ ກອງທັບແຫ່ງ
ສສ ມຽນມາ, ເປັນຕົ້ນແມ່ນການປຶກສາຫາລືບັນຫາວຽກງານຊາຍແດນຮ່ວມກັນ, ການອົບຮົມກໍ່ສ້າງພະນັກງານດ້ານພາສາ ແລະ ການເຝິກອົບຮົມລະ
ດັບວິຊາສະເພາະຕ່າງໆ ຕະຫຼອດໄລຍະທີ່ຜ່ານມາ. ທ່ານ ພົນຈັດຕະວາ ຈໍໂຊມິນ ກໍໄດ້ສະແດງຄວາມຂອບໃຈຕໍ່ ທ່ານ ພົນຕີ ຈັນທອງ ສອນຕະອາດ ທີ່ໃຫ້
ການຕ້ອນຮັບອັນອົບອຸ່ນ ແລະ ເຕັມໄປດ້ວຍໄມຕີຈິດມິດຕະພາບ ພ້ອມທັງລາຍງານຜົນສຳເລັດການມາປະຕິບັດໜ້າທີ່ເຄື່ອນໄຫວເຮັດວຽກຢູ່ ສປປ ລາວ
ໃນຄັ້ງນີ້ໄດ້ຮັບຊາບ.
ໃນໂອກາດດຽວກັນ, ທີ່ປຶກສາທູດຝ່າຍປ້ອງກັນຊາດ ສສ ມຽນມາ ຍັງໄດ້ເຂົ້າພົບປະ ສະຫາຍ ພົນຈັດຕະວາ ບຸນເດື່ອງ ພັນສົດໃສ ຫົວໜ້າກົມພົວພັນ ຕ່າງປະເທດ ກະຊວງປ້ອງກັນປະເທດ ເພື່ອລາຍງານຜົນສຳເລັດໃນການ ມາປະຕິບັດໜ້າທີ່ການທູດຢູ່ ສປປ ລາວ ອີກດ້ວຍ. ພ້ອມດຽວກັນນີ້ ຫົວໜ້າກົມ ພົວພັນຕ່າງປະເທດ ກະຊວງປ້ອງກັນປະເທດ ຍັງໄດ້ປະດັບຫຼຽນກາມິດຕະພາບໃຫ້ ສະຫາຍ ພົນຈັດຕະວາ ຈໍໂຊມິນ. ໃນວັນດຽວກັນນີ້, ທ່ານ ພົນຕີ ຈັນ ທອງ ສອນຕະອາດ ຍັງໄດ້ຕ້ອນຮັບ ທ່ານ ຂີ່ນມອງໂຊ ທີ່ປຶກສາທູດຝ່າຍປ້ອງກັນຊາດ ສສ ມຽນມາ ປະຈຳ ສປປ ລາວຄົນໃໜ່ເຂົ້າຢ້ຽມຂ່ຳນັບ ພ້ອມທັງ ຕີລາຄາສູງໃນການສືບຕໍ່ການພົວພັນຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນ ລະຫວ່າງ ກະຊວງປ້ອງກັນປະເທດ ສປປ ລາວ-ສສ ມຽນມາ ນັບມື້ແໜ້ນ ແຟ້ນຂຶ້ນເລື້ອຍໆ.
ແຫຼ່ງທີ່ມາ:ໜັງສືພິມກອງທັບ
ວັນທີ 27/02/2023