ກະຊວງປ້ອງກັນປະເທດ ສະຫຼຸບຜົນສຳເລັດວຽກງານປ້ອງກັນ ແລະ ການເຂົ້າຮ່ວມງານມະຫະກຳກິລາແຫ່ງຊາດ ຄັ້ງທີ XI
ໃນວັນທີ 16 ມັງກອນ 2023 ນີ້, ຢູ່ສະໂມສອນກົມໃຫຍ່ການເມືອງກອງທັບ ກະຊວງປ້ອງກັນປະເທດໄດ້ສະຫຼຸບຜົນສຳເລັດການເຂົ້າຮ່ວມງານມະຫະ
ກຳກິລາ ແລະ ວຽກງານປ້ອງກັນໃນງານມະຫະກຳກິລາແຫ່ງຊາດຄັ້ງທີ XI, ໂດຍການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ຮອງ
ນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ມີຄະນະພັກ-ຄະນະບັນຊາກົມ, ຫ້ອງການ, ກອງ ແລະ ນັກກີລາເຂົ້າຮ່ວມ.
ສະຫາຍ ພົນຕີ ພັນແສງ ບຸນພັນ ຮອງຫົວໜ້າກົມໃຫຍ່ເສນາທິການກອງທັບ ໄດ້ຂຶ້ນຜ່ານສະຫຼຸບຜົນສຳເລັດ ແລະ ຖອດຖອນບົດຮຽນການເຂົ້າຮ່ວມ ການແຂ່ງຂັນກິລາ ແລະ ວຽກງານປ້ອງກັນກິລາແຫ່ງຊາດ ຄັ້ງທີ XI ຊຽງຂວາງເກມ ເຊິ່ງສະຫາຍໄດ້ຍົກໃຫ້ເຫັນການຈັດຕັ້ງປະຕິບັດໃນການເຂົ້າຮ່ວມຊຽ ຂວາງເກມໃນຄັ້ງນີ້, ນັບແຕ່ໄລຍະກະກຽມ, ໄລຍະເຂົ້າຮ່ວມການແຂ່ງຂັນຕົວຈິງຂອງກິລາແຕ່ລະປະເພດຈົນສຳເລັດ ເຊິ່ງພວກເຮົາສາມາດຕີລາຄາສະຫຼຸບ ສັງລວມໄດ້ດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຄືດັ່ງລຸ່ມນີ້: ເມື່ອໄດ້ຮັບແຈ້ງການຈາກເຈົ້າແຂວງ ແຂວງຊຽງຂວາງ ປະທານຈັດ ການແຂ່ງຂັນງານມະກຳກິລາແຫ່ງຊາດ ຄັ້ງທີ XI ແລະ ການຕົກລົງເຫັນດີຂອງຄະນະນຳກະຊວງປ້ອງກັນປະເທດ, ກົມອົບຮົມກົມໃຫຍ່ເສນາທິການກອງທັບ ໃນນາມຜູ້ຮັບຜິດຊອບດ້ານເນື້ອໃນ ພາຍຫຼັງໄດ້ຮັບການມອບໃຫ້ຄະນະຊີ້ນຳແລ້ວກໍໄດ້ສ້າງແຜນການອັນລະອຽດ ແລະ ໄດ້ລົງກວດກາຊີ້ນຳ ແລະ ສົມທົບ ກັບກອງກິລາກອງທັບ ເພື່ອຈັດຕັ້ງການຫັດແອບເຝິກຊ້ອມຄັດເລືອກເອົານັກກິລາທີ່ດີເດັ່ນ ເພື່ອການກະກຽມເຂົ້າຮ່ວມການແຂ່ງຂັນງານມະຫະກຳກິລາແຫ່ງ ຊາດ ຄັ້ງທີ XI ຕາມແຜນການ. ຄຽງຄູ່ກັນນັ້ນ ພວກເຮົາໄດ້ຕົກລົງແຕ່ງຕັ້ງຜູ້ຈັດການທິມ, ຄູເຝິກ ແລະ ນັກກິລາແຕ່ລະປະເພດທີ່ຈະເຂົ້າຮ່ວມກິລາກະຊວງ ປ້ອງກັນປະເທດ ພວກເຮົາຈຶ່ງໄດ້ແຕ່ງຕັ້ງຄະນະກຳມະການຈັດການແຂ່ງຂັນເຂົ້າຮ່ວມ ຈຳນວນ 16 ຊະນິດກິລາ, ມີນັກກິລາເຂົ້າຮ່ວມທັງໝົດ 259 ສະ ຫາຍ, ຜ່ານການເຂົ້າຮ່ວມແຂ່ງຂັນຕົວຈິງທິມນັກກິລາກອງທັບ ສາມາດສ້າງໄດ້ຫຼຽນຄຳ 51 ຫຼຽນ, ຫຼຽນເງິນ 49 ຫຼຽນ ແລະ ຫຼຽນທອງແດງ 36 ຫຼຽນ ລວມທັງໝົດ 136 ຫຼຽນ ແລະ ໄດ້ອັນດັບທີ 3 ຂອງການແຂ່ງຂັນໃນງານມະຫະກຳກິລາແຫ່ງຊາດ ຄັ້ງທີ XI, ສ່ວນວຽກງານປ້ອງກັນໂດຍປະຕິບັດຕາມ ທິດຊີ້ນຳຂອງຄະນະກຳມະການ ປກຊ-ປກສ ສູນກາງ, ຄະນະຊີ້ນຳລະດັບຊາດ ແລະ ຄະນະນຳກະຊວງປ້ອງກັນປະເທດ ກ່ຽວກັບວຽກງານປ້ອງກັນຮັກສາ ຄວາມສະຫງົບໃນງານມະຫະກຳກິລາແຫ່ງຊາດ ຄັ້ງທີ XI ໄດ້ດຳເນີນໄປດ້ວຍຜົນສຳເລັດ. ຜ່ານການຈັດຕັ້ງປະຕິບັດໜ້າທີ່ປ້ອງກັນຄັ້ງນີ້ພວກເຮົາສາມາດ ຕີລາໄດ້ຄື: ພາຍຫຼັງທີ່ໄດ້ຮັບຄຳສັ່ງຈາກຂັ້ນເທິງ, ຄະນະຮັບຜິດຊອບຊີ້ນຳໄດ້ຈັດຕັ້ງກອງປະຊຸມຄົ້ນຄ້ວາເຊື່ອມຊຶມ, ກຳນົດບາງວຽກທີ່ຈະຕ້ອງໄດ້ຈັດຕັ້ງປະ ຕິບັດ, ມອບໝາຍໜ້າທີ່ໃຫ້ແຕ່ລະພາກສ່ວນທີ່ມີຄວາມຮັບຜິດຊອບ, ຊີ້ນຳບັນດາກົມກອງທ້ອງຖິ່ນກະກຽມສ້າງແຜນການ, ກະກຽມກຳລັງ ແລະ ພາຫະນະ ເພື່ອຮັບປະກັນໃຫ້ແກ່ການຈັດຕັ້ງປະຕິບັດແຜນການ. ໃນນີ້, ກະຊວງປ້ອງກັນປະເທດ ໄດ້ນຳໃຊ້ກຳລັງເຂົ້າໃນວຽກງານປ້ອງກັນທັງໝົດ 1.538 ສະຫາຍ, ເຊິ່ງມາຈາກກຳລັງຫຼວງ 485 ສະຫາຍ ແລະ ກຳລັງທ້ອງຖິ່ນ 1.053 ສະຫາຍ. ຜ່ານການຈັດຕັ້ງປະຕິບັດຕົວຈິງພະນັກງານ-ນັກຮົບທີ່ເຮັດໜ້າທີ່ປ້ອງກັນງານ ມະຫະກຳກິລາແຫ່ງຊາດ ຄັ້ງທີ XI ລ້ວນແຕ່ໄດ້ເອົາໃຈໃສ່ຢ່າງຕັ້ງໜ້າສາມາດເຮັດສຳເລັດໜ້າທີ່ການເມືອງຂອງຕົນ ດັ່ງນັ້ນມາຮອດມື້ນີ້ກະຊວງປ້ອງກັນປະ ເທດຈຶ່ງໄດ້ຕົກລົງປະດັບຫຼຽນໄຊ ແລະ ຍ້ອງປະເທດຕ່າງໆໃຫ້ບຸກຄົນ ແລະ ກົມກອງລວມໝູ່ຄື: ປະດັບຫຼຽນໄຊພິລະອາດຫານຊັ້ນ III ໃຫ້ກົມກອງລວມໝູ່ 53 ກົມກອງ, ໃບຍ້ອງຍໍກົມໃຫຍ່ການເມືອງກອງທັບກົມກອງລວມໝູ່ 3 ໃບ, ປະດັບຫຼຽນໄຊພິລະອາດຫານຊັ້ນ III ໃຫ້ບຸກຄົນ 379 ສະຫະຍ, ມອບໃບ ຍ້ອງຍໍກະຊວງປ້ອງກັນປະເທດໃຫ້ບຸກຄົນ 85 ສະຫາຍ, ໃບຍ້ອງຍໍກົມໃຫຍ່ການເມືອງກອງທັບບຸກຄົນ 558 ໃບ. ພ້ອມນີ້, ຍັງໄດ້ປະດັບຫຼຽນໄຊພິລະ ອາດຫານຊັ້ນ III ແລະ ໃບຍ້ອງຍໍກະຊວງປ້ອງກັນປະເທດໃຫ້ແກ່ບັນດາບໍລິສັດທີ່ໃຫ້ການສະໜັບສະໜູນ. ໃນນີ້, ປະດັບຫຼຽນໄຊພິລະອາດຫານຊັ້ນ III ໃຫ້ 4 ບໍລິສັດ ແລະ ໃບຍ້ອງຍໍກະຊວງປ້ອງກັນປະເທດໃຫ້ 8 ບໍລິສັດນຳອີກ.
ແຫຼ່ງທີ່ມາ: ຄຳປ໋ອກ
ວັນທີ 17/01/2023