ຫ້ອງການກົມໃຫຍ່ການເມືອງກອງທັບ ສະຫຼຸບວຽກງານຮອບດ້ານ ປະຈຳປີ 2022
ໃນວັນທີ 10 ກຸມພາ 2023 ນີ້, ຫ້ອງການກົມໃຫຍ່ການເມືອງກອງທັບ ໄດ້ສະຫຼຸບວຽກງານຮອບດ້ານປະຈຳປີ 2022 ແລະ ວາງທິດທາງແຜນການປີ
2023, ໂດຍການເປັນປະທານຂອງ ສະຫາຍ ພົນໂທ ທອງລອຍ ສິລິວົງ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ,
ມີສະຫາຍ ພົນຈັດຕະວາ ສົມພົງ ແພງປັນຍາ ຫົວໜ້າຫ້ອງການກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ, ພະແນກການ, ແຂກຖືກເຊີນ
ພ້ອມດ້ວຍພະນັກງານທົ່ວຫ້ອງການກົມໃຫຍ່ເຂົ້າຮ່ວມ.
ສະຫາຍ ພົນຈັດຕະວາ ສົມພົງ ແພງປັນຍາ ຫົວໜ້າຫ້ອງການກົມໃຫຍ່ການເມືອງກອງທັບ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານຮອບດ້ານ ໃນໄລຍະ 1 ປີຜ່ານມາ, ເຊິ່ງໄດ້ເອົາໃຈໃສ່ຈັດຕັ້ງປະຕິບັດວຽກງານມີຫຼາຍດ້ານທີ່ພົ້ນເດັ່ນ ໂດຍສະເພາະດ້ານການເມືອງແນວຄິດຂອງພະນັກງານ-ນັກຮົບ ມີຄວາມສະຫງົບ, ອຸ່ນອຽນທຸ່ນທ່ຽງ, ຫ້າວຫັນປະຕິບັດໜ້າທີ່ວິຊາສະເພາະຂອງຕົນຕາມການຈັດຕັ້ງຂັ້ນເທິງມອບໝາຍໃຫ້ມີຜົນສຳເລັດອັນຈົບງາມ, ຮັກ ສາໄດ້ທັດສະນະຫຼັກໝັ້ນ, ຄຸນທາດການເມືອງໜັກ ແໜ້ນ, ມີຄວາມຈົງຮັກພັກດີ, ຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນ, ເຊີດຊູສະຕິເປັນເຈົ້າການໃນ ການປະຕິບັດໜ້າທີ່ເປັນເສນາທິການໃຫ້ກົມໃຫຍ່ການເມືອງກອງທັບ ດ້ານວຽກງານວິຊາສະເພາະຕິດຕາມຄະນະນຳກົມໃຫຍ່ການເມືອງກອງທັບ ລົງເຄື່ອນ ໄຫວຊີ້ນຳວຽກງານຢູ່ບັນດາກົມກອງ-ທ້ອງຖິ່ນ, ເອົາໃຈໃສ່ຄຸ້ມຄອງ, ຈໍລະຈອນຈັດສົ່ງເອກະສານຂາເຂົ້າ-ຂາອອກໃຫ້ເຂົ້າສູ່ລະບົບລະບຽບ (ປະຕູດຽວ), ຮັບປະກັນຄວາມວ່ອງໄວ, ຮັກສາໄດ້ຄວາມລັບ ໃນນັ້ນ, ຮັບເອກະສານຂາເຂົ້າກົມໃຫຍ່ 9.504 ສະບັບ, ກວດກາ ແລະ ແກ້ໄຂເອກະສານຂາອອກຂອງ ກົມໃຫຍ່ 7.020 ສະບັບ, ເອກະສານຂາເຂົ້າຫ້ອງ ການ 1.222 ສະບັບ, ເອກະສານຂາອອກຫ້ອງການ 1.495 ສະບັບ, ຕິດຕາມຄະນະນຳກົມໃຫຍ່ການ ເມືອງກອງທັບ ແລະ ຄະນະຫ້ອງການກົມໃຫຍ່, ເຂົ້າຮ່ວມອະນຸກຳມະການຕ່າງໆ, ປະສານວຽກງານຢ່າງກົມກຽວກັບບັນດາອົງການ, ກົມກອງ ແລະ ເຮັດ ວຽກງານຮັບປະກັນດ້ານຕ່າງໆໃຫ້ກົມໃຫຍ່ການເມືອງກອງທັບ, ເຮັດບົດສະຫຼຸບປະຈຳອາທິດ, ເດືອນ, ໄຕມາດ, 6 ເດືອນ ແລະ ສະຫຼຸບປີຂອງຫ້ອງການໄດ້ 79 ບົດ, ພ້ອມກັນນັ້ນ, ກໍໄດ້ເປັນເອກະພາບຮັບຮອງເອົາທິດທາງແຜນການວຽກງານຈຸດສຸມປີ 2023.
ໂອກາດນີ້, ສະຫາຍຫົວໜ້າກົມໃຫຍ່ການເມືອງກອງທັບ, ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ຫ້ອງການກົມໃຫຍ່ການເມືອງກອງທັບ ຍາດມາ ໄດ້ໃນໄລຍະ 1 ປີຜ່ານມາ, ພ້ອມທັງຮຽກຮ້ອງໃຫ້ສືບຕໍ່ສຶກສາອົບຮົມການເມືອງແນວຄິດໃຫ້ພະນັກງານສະມາຊິກພັກ-ນັກຮົບ, ເຊື່ອມຊຶມກຳແໜ້ນຕື່ມ ແນວທາງນະໂຍບາຍ, ມະຕິຕ່າງໆຂອງພັກ, ຂອງອົງຄະນະພັກກົມໃຫຍ່ການເມືອງກອງທັບ, ຍົກສູງຄວາມຮັບຜິດຊອບການເມືອງຂອງຕົນໃນການຄຸ້ມຄອງ ປົກປັກຮັກສາເອກະສານໃຫ້ຖືກຕ້ອງຕາມລະບຽບຫຼັກການ, ຮັບປະກັນຄວາມຖືກຕ້ອງທາງດ້ານເນື້ອໃນຢ່າງຄົບຖ້ວນ ແລະ ທັນເວລາ, ປັບປຸງການຈັດຕັ້ງ ໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ ເພື່ອກຽມພ້ອມເຮັດສຳເລັດໜ້າທີ່ວຽກງານຕາມການມອບໝາຍຂອງຂັ້ນເທິງໃຫ້ມີຜົນສຳເລັດອັນໃໝ່.
ແຫຼ່ງທີ່ມາ:ນາງ ວິໄລພອນ ສອນມະນີລາ
ວັນທີ 13/02/2023