ກົມໃຫ່ຍການເມືອງກອງທັບເຊື່ອມຊຶມຄຳສັ່ງແນະນຳ ວ່າດ້ວຍການດໍາເນີນກອງປະຊຸມ
ໃຫຍ່ທົ່ວກອງທັບ ຂອງຄະນະພັກກະຊວງປ້ອງກັນປະເທດ
ໃນວັນທີ 28 ກຸມພາ 2023 ນີ້, ກົມໃຫຍ່ການເມືອງກອງທັບ ໄດ້ຈັດພິທີເຊື່ອມຊຶມຄຳສັ່ງແນະນຳຂອງຄະນະພັກກະຊວງປ້ອງກັນປະເທດ ວ່າດວ້ຍການ
ແນະນຳກະກຽມກອງປະຊຸມໃຫຍ່ຂອງພັກທົ່ວກອງທັບ ແລະ ບົດແນະນຳກຽ່ວກັບການຈັດຕັ້ງປະຕິບັດຄຳສັ່ງການນຳເນີນກອງປະຊຸມໃຫຍ່ຂອງກົມໃຫຍ່
ການເມືອງກອງທັບ, ໂດຍການເປັນປະທານຂອງ ສະຫາຍ ພົນຕີ ສອນທອງ ພົມລາວົງ ກຳ ມະການຄະນະປະຈຳພັກກະຊວງປ້ອງກັນປະເທດ ຮອງຫົວໜ້າ
ກົມໃຫຍ່ການ ເມືອງກອງທັບ ມີຄະນະພັກ-ຄະນະກົມໃຫຍ່, ກົມ, ຫ້ອງການ, ກອງ, ພະນັກງານຫຼັກແຫຼ່ງທົ່ວກົມໃຫຍ່ການເມືອງກອງທັບ ເຂົ້າຮວ່ມ.
ຈຸດປະສົງການເຊື່ອມຊຶມໃນຄັ້ງນີ້, ກໍເພື່ອກຳແໜ້ນໃນການຈັດຕັ້ງຜັນຂະຫຍາຍຂອງ ຄະນະເລ ຂາທິການສູນກາງພັກ, ບົດແນະນຳຂອງຄະນະຈັດຕັ້ງສູນ
ກາງພັກ ໃນການກະກຽມຈັດຕັ້ງນຳເນີນກອງປະຊຸມໃຫຍ່ແຕ່ລະຂັ້ນໃນທົ່ວກອງທັບ ແລະ ເປັນການກວດກາ, ຕີລາຄາຄືນຜົນການຊີ້ນຳ-ນາພາຈັດຕັ້ງປະຕິ
ບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງປ້ອງກັນປະເທດ ໂດຍປິ່ນອ້ອມ 4 ໜ້າທີ່ໃຫຍ່ 26
ແຜນງານໃຫ້ປະກົດຜົນສຳເລັດ ພ້ອມທັງກຳນົດທິດທາງຄາດໝາຍສູ້ຊົນໃນປີຕໍ່ໜ້າໃຫ້ມີຄວາມໜັກແໜ້ນ. ເລືອກເຟັ້ນເອົາບຸກຄະລະກອນເຂົ້າໃນໂຄງ
ການປະກອບການຈັດຕັ້ງນຳພາ-ບັນຊາແຕ່ລະຂັ້ນ ແລະ ຍັງເປັນບັ້ນນຳເນີນຊີວິດການເມືອງປັບປຸງປົວແປງພັກ, ເຮັດໃຫ້ການຈັດຕັ້ງແຕ່ລະຂັ້ນມີຄວາມປອດ
ໃສເຂັ້ມແຂງໜັກແໜ້ນ. ການເຊື່ອມຊຶມເປີດກວ້າງໃນຄັ້ງນີ້, ໄດ້ຜ່ານຄຳສັ່ງແນະນຳວ່າດ້ວຍການຜັນຂະຫຍາຍວຽກງານດັ່ງກ່າວໃຫ້ທົ່ວເຖີງກັນ ແລະ ຮັບຮູ້
ເຂົ້າໃຈເປັນເອກະພາບກັນເພື່ອເປັນບ່ອນອີງໃຫ້ແກ່ຄະນະພັກແຕ່ລະຂັ້ນໃນທົ່ວກົມໃຫຍ່ການເມືອງກອງທັບ ໄດ້ນຳໄປຈັດຕັ້ງຜັນຂະຫຍາຍ, ຮັບປະກັນໃຫ້
ເນື້ອໃນຄຳສັ່ງແນະນຳຂອງຄະ ນະເລຂາທິການສູນກາງພັກ ໄດ້ຮັບການຈັດຕັ້ງປະຕິບັດເຂົ້າສູ່ວຽກງານຕົວຈິງຢ່າງມີປະສິດທິຜົນສູງ ແລະ ເຮັດໃຫ້ຄະນະພັກ
ແຕ່ລະຂັ້ນກຳແໜ້ນ ແລະ ນຳເອົາເນື້ອໃນສຳຄັນທີ່ໄດ້ກຳນົດໄວ້ ໃນບົດຄຳສັ່ງໄປຈັດຕັ້ງຜັນຂະຫຍາຍຫັນເປັນແຜນງານອັນລະອຽດ, ແທດເໝາະ, ຖືກຕ້ອງ
ສອດຄ່ອງກັບກົມກອງຂອງຕົນ.
ແຫຼ່ງທີ່ມາ: ໜັງສືພິມກອງທັບ
ວັນທີ 01/03/2023