ຣັດເຊຍ ເປີດເຜີຍແບບຈຳລອງກຳປັ່ນດໍານໍ້າຕິດອາວຸດ
ແຫຼ່ງຂ່າວໃນພາກອຸດສາຫະກໍາຄວາມໝັ້ນຄົງຂອງ ຣັດເຊຍ ໄດ້ກ່າວກັບສໍານັກຂ່າວ Tass ວ່າ: ສໍານັກອອກແບບ Malachite ໄດ້ເລີ່ມງານວິໄຈ ແລະ ພັດທະນາ
ສໍາລັບການສ້າງ ກຳປັ່ນດໍານໍ້າ ພະລັງງານ ນິວເຄລຍທີ່ຕິດອາວຸດຊັ້ນທີ 5 ພາຍໃຕ້ຊື່ລະຫັດ Laika ຫຼັງຈາກສໍາເລັດການອອກແບບຂັ້ນເບື້ອງຕົ້ນໃນປີ 2018 ທີ່ຜ່ານມາ,
ສໍາລັບເວລານັ້ນແຫຼ່ງຂ່າວບໍ່ໄດ້ໃຫ້ຄວາມລະອຽດດ້ານຄຸນສົມບັດຂອງກຳປັ່ນດໍານໍ້າ ໂດຍກ່າວພຽງວ່າ: ອາວຸດປ່ອຍນໍາວິຖີຄວາມໄວເໜືອສຽງແບບ Tsirkon(Zircon)
ຈະເປັນໜຶ່ງໃນຫຼັງຈາກສໍາເລັດ ການອອກແບບຂັ້ນເບື້ອງຕົ້ນໃນປີ 2018 ທີ່ຜ່ານມາ, ສໍາລັບເວລານັ້ນແຫຼ່ງຂ່າວບໍ່ໄດ້ໃຫ້ຄວາມລະອຽດດ້ານຄຸນສົມບັດຂອງ ກຳປັ່ນດໍານໍ້າ
ໂດຍກ່າວພຽງວ່າ: ອາວຸດປ່ອຍນໍາວິຖີຄວາມໄວເໜືອສຽງແບບ Tsirkon(Zircon) ຈະເປັນໜຶ່ງໃນກຸ່ມອາວຸດໂຈມຕີທີ່ດີທີ່ສຸດ ທີ່ຈະນໍາມາຕິດຕັ້ງໃສ່ກຳປັ່ນລຸ້ນດັ່ງກ່າວ
ແລະ ກຳປັ່ນດໍານໍ້າ ລໍານີ້ຈະມີໂຄງສ້າງແບບ Modular ພັດທະນາການຮ່ວມລະຫວ່າງລະບົບອໍານວຍການຮົບ ແລະ ປັນຍາປະດິດ AI.
ຕາມແບບຈໍາລອງທີ່ຖືກຈັດສະແດງຫຼ້າສຸດ ກຳປັ່ນດໍານໍ້າ ນິວເຄລຍ ຕິດຂີປະນາວຸດຊັ້ນ Project 585 Laika SSBN ມີ ຄວາມແຮງແຫກນໍ້າ 11.340 ໂຕນ, ດໍາ
ນໍ້າໄດ້ເລິກສຸດ 600 ແມັດ, ສາມາດແລ່ນໄດ້ໄວ 65 ກິໂລແມັດຕໍ່ຊົ່ວໂມງ ແລະ ມີໄລຍະເວລາປະຕິບັດການຢູ່ໃຕ້ນໍ້າໄດ້ 90 ວັນ, ຊຸດລະບົບອາວຸດຈະຮອງຮັບອາວຸດປ່ອຍ
ນໍາວິຖີ Kalibr (ລວມລຸ້ນໂຈມຕີພາກພື້ນດິນ 314), ອາວຸດນໍາວິຖີຕໍ່ຕ້ານ ກຳປັ່ນ ຜິວນໍ້າ Hypersonic ແບບ 3M-22 (Zircon), ອາວຸດປ່ອຍນໍາວິຖີຕໍ່ຕ້ານ ກຳປັ່ນຜິວ
ນໍ້າ P-800Oniks(3M-55), ອາວຸດປ່ອຍນໍາວິຖີຕໍ່ຕ້ານເຮືອດໍານໍ້າ 91RU Otvet, ອາວຸດປ່ອຍນໍາວິຖີຕໍ່ຕ້ານ ເຮືອດໍານໍ້າ Khishchnik (ຕາມແຫຼ່ງຂໍ້ມູນເປີດ ຕ໋ອກປີໂດ
ຄວາມໄວສູງກໍາລັງຖືກພັດທະນາພາຍໃຕ້ໂຄງການນີ້) ຕ໋ອກປີໂດ ໜັກແບບ Fizik-1 ແລະ USET-80, ອາວຸດຕໍ່ຕ້ານ ຕ໋ອກປີໂດ ແບບ Lasta, ທຸ່ນລະເບີດຂັບເຄື່ອນ
ດ້ວຍ ຈະຫຼວດ PMR-2,ຕ໋ອກປີໂດ ທຸ່ນລະເບີດ MTPK-1 ແລະ ອາວຸດປ່ອຍນໍາວິຖີພື້ນສູ່ອາກາດສໍາລັບລະບົບປ້ອງກັນໄພ ທາງອາກາດເຄື່ອນຍ້າຍໄດ້ດ້ວຍບຸກຄົນ.