ສ ເກົາຫຼີ ປະສົບຜົນສຳເລັດໃນການທົດລອງ ຕໍປີໂດ ລຸ້ນໃໝ່
ສຳນັກຂ່າວ ເຈມ ລາຍງານ ໃນວັນທີ 17 ພຶດສະພາ ນີ້ວ່າ: ອົງການກວດກາຄຸນນະພາບ ແລະ ເຕັກໂນໂລຊີປ້ອງກັນປະເທດ ສ ເກົາຫຼີ ໄດ້ປະກາດ
ຄວາມສຳເລັດໃນການທົດລອງລູກສອນໄຟ"Tiger Shark" ຫຼື ຕໍປີໂດ ລຸ້ນໃໝ່ ເພື່ອຍົກສູງຄວາມສາມາດປ້ອງກັນນ່ານນ້ຳແຕ່ບໍ່ໄດ້ແນໃສ່ການຕອບ
ໂຕ້ປະເທດໃດປະເທດໜຶ່ງ.
ການທົດລອງນີ້, ໄດ້ດຳເນີນການທົດລອງຈາກກຳປັ່ນຢູ່ທະເລຕາເວັນອອກຂອງປະເທດໃນອາທິດທີ່ຜ່ານມາ, ການທົດລອງດັ່ງກ່າວເພື່ອກວດກາເບິ່ງ
ວ່າ ຕໍປີໂດ ທີ່ພັດທະນາໃນປີ 2019 ມີສະມັດຕະພາບຕາມທີ່ຄາດໄວ້ ຫຼື ບໍ່ທັງເປັນການຢືນຢັນຄຸນນະພາບຂອງອາວຸດທີ່ຜະລິດຢູ່ພາຍໃນປະເທດ.
ປັດຈຸບັນ, ສ ເກົາຫຼີ ພວມລົງທຶນຜະລິດອາວຸດຊະນິດນີ້ ເພື່ອເສີມສ້າງຄວາມສາມາດດ້ານຄວາມໝັ້ນຄົງທາງທະເລ ເນື່ອງຈາກເຫັນວ່າ, ບາງປະເທດ
ໃນພາກພື້ນກຳລັງພັດທະນາຂີປະນາວຸດລູກສອນໄຟ (SLBMs) ທີ່ສາມາດບັນທຸກຫົວຮົບນິວເຄລຍໄດ້.
ແຫຼ່ງທີ່ມາ: ໜັງສືພິມ ກອງທັບ
ວັນທີ 19/05/2022