ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ບຣາຊິນ ນຳ​ສະ​ເໜີເຮືອບິນສູ້ຮົບ Gripen E/F


ເຮືອບິນສູ້ຮົບລຸ້ນ Gripen E/F

     ຕາມຂ່າວຈາກໜັງສືພິມກອງທັບປະຊາຊົນ ຫວຽດນາມ ໃຫ້ຮູ້ ວ່າ: ກະຊວງປ້ອງກັນປະເທດ ບຣາຊິນ ໄດ້ເປີດເຜີຍເຖິງແຕ່ລະພາກສ່ວນຂອງການປະກອບສ້າງ ເຮືອ
ບິນສູ້ຮົບ ຮຸ້ນ Gripen E/F ຜະລິດໂດຍ ໂຮງງານ Saab Aeronáutica Montagens ທີ່ຕັ້ງຢູ່ພາຍໃນປະເທດ.

     ການອອກແບບ ແລະ ຜະລິດ ເຮືອບິນສູ້ຮົບຮຸ້ນ Gripen E/F ບຣາຊິນ ຈະເປັນຜູ້ຮັບຜິດຊອບ ບັນດາອຸປະກອນຫຼັກ 6 ອົງປະກອບພື້ນຖານຫຼັກ, ຜູ້ຕາງໜ້າໂຮງງານ
ຜະລິດ ເຮືອບິນສູ້ຮົບ Saab Aeronáutica Montagens ກ່າວວ່າ: ໂຮງງານຂອງພວກເຮົາບໍ່ພຽງແຕ່ອອກແບບ ແລະ ສ້າງເຮືອບິນ ລຸ້ນ Gripen E/F ເທົ່ານັ້ນແຕ່ພວກ
ເຮົາຍັງເປັນສ່ວນໜຶ່ງໃນການອອກແບບ ແລະ ຜະລິດເຮືອບິນສູ້ຮົບຂອງກຸ່ມບໍລິສັດ ຜະລິດເຮືອບິນ Saab ໃນເຂດ ອາເມຣິກາໃຕ້.

     ເຮືອບິນສູ້ຮົບ Gripen E/F ເປັນຮຸ້ນ ທີມີຄວາມມາດຕະຖານສູງ ຖ້າທຽບໃສ່ເຮືອບິນ Gripen ຮຸ້ນ ເກົ່າ, ເພາະເຮືອບິນສູ້ຮົບຮຸ້ນ Gripen E/F ໄດ້ມີການຕິດຕັ້ງ
ເຄື່ອງຈັກ F414G ພ້ອມດ້ວຍລະບົບຣາດາ ທີ່ມີຄວາມທັນສະໄໝສູງຜະລິດໂດຍ ສະຫະລັດອາເມຣິກາ ເຊິ່ງໃຊ້ງົບປະມານເພີ່ມເຖິງ 100 ລ້ານໂດລາສະຫະລັດ, ເຮືອບິນ
ສູ້ຮົບຮຸ້ນ ໃໝ່ນີ້ໄດ້ເພີ່ມບ່ອນນັ່ງຈາກໜຶ່ງເປັນສອງບ່ອນນັ່ງ ເພື່ອເພີ່ມຄວາມສະດວກໃນ ເວລາມີການເຝີກແອບ ແລະ ປະຕິບັດໜ້າທີ່ພິເສດຂອງກອງທັບ ບຣາຊິນ.