ກອງທັບ ສ ເກົາຫຼີ ມີ​ແຜນ​ຈະ​ປັບປຸງ ເຮລີກົບແຕ ລຸ້ນ H-60 ​ໃຫ້​ທັນ​ສະ​ໄໝ

ເຮລີກົບແຕລຸ້ນ H-60

     ສຳນັກຂ່າວເຈມລາຍງານໃນວັນທີ 11 ພຶດສະພາ ນີ້ວ່າ: ກະຊວງປ້ອງກັນປະເທດ ສ ເກົາຫຼີ ໄດ້ອອກເປີດເຜີຍໃນວັນທີ 7 ພຶດສະພາ ທີ່ຜ່ານມາວ່າ
ໃນປັດຈຸບັນນີ້ກອງທັບ ສ ເກົາຫຼີ ໄດ້ມີແຜນການທີ່ຈະປັບປຸງ ເຮລີກົບແຕ ລຸ້ນ H-60 ໃຫ້ມີລະບົບທີ່ທັນໄໝ ແລະ ມີຂີດຄວາມສາມາດທີ່ຫຼາກຫຼາຍ
ກວ່າເກົ່າ.

     ການປັບປຸງໃນຄັ້ງນີ້ຖືວ່າເປັນໄປຕາມແຜນງົບປະມານປະຈຳປີຂອງກອງທັບ, ເຊິ່ງໃນເບື້ອງຕົ້ນຄາດການວ່າຈະໃຊ້ງົບປະມານສຳລັບປັບປຸງ ເຮລີກົບແຕ
ຈຳນວນ 16 ລຳ ໃນວົງເງິນລວມປະມານ 748,4 ລ້ານໂດລາສະຫະລັດ ແລະ ຈະໃຫ້ສຳເລັດໃນລະຫວ່າງປີ 2023-2030 ທີ່ຈະມາຮອດ. ການປັບປຸງຫຼັກ
ແມ່ນຈະເນັ້ນໃສ່ລະບົບການກວດຈັບ ແລະ ລະບົບອາວຸດ ສ່ວນຮູບຊົງແມ່ນຈະຮັກສາໄວ້ຄືເກົ່າ.

     ເຮລີກົບແຕ ລຸ້ນ H-60 ສາມາດບັນທຸກຈຸບິນໄດ້ 2 ຄົນ, ບັນທຸກນ້ຳໜັກລວມໄດ້ 2,6 ໂຕນ, ຄວາມສູງ 5,13 ແມັດລວງ ກວ້າງຂອງປີກສອງຂ້າງ
15,3 ແມັດ, ບິນໃນຄວາມໄວສູງສຸດ 294 ກິໂລແມັດຕໍ່ຊົ່ວໂມງ, ບິນໃນເພດານບິນສູງປະມານ 5,9 ກິໂລແມັດຈາກພື້ນດິນ. ສ່ວນດ້ານອາວຸດປະກອບ
ມີປືນກົນ M240 ຂະໜາດ 7,62 ມມ ຈຳນວນ 2 ກະບອກ, ລູກສອນ ໄຟຂະໜາດນ້ອຍຈຳນວນ 4 ລູກ ແລະ ສາມາດຕິດຕັ້ງຂີປະນາວຸດໄລຍະໄກແບບ
ອາກາດສູ່ພື້ນໄດ້ອີກດ້ວຍ.

ແຫຼ່ງທີ່ມາ: ໜັງສືພິມ ກອງທັບ
ວັນທີ 13/05/2022