ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ຊູແອັດ ຕິດ​ຕັ້ງ​ປືນ​ໃຫ່ຍລາກ​ຈູງ​ໃສ່​ລົດ​ບັນທຸກ 6x6 A25C


ລົດບັນທຸກ 6x6 A25C ​ແກ່ລາກປືນໃຫ່ຍອັດຕາຈອນອາເຊ

     ປືນໃຫຍ່ອັດຕາຈອນ Archer ຂອງ ຊູແອັດ ຖືກນໍາເຂົ້າປະຈໍາການໃນກອງທັບເມືອ ປີ 2013, ເຊິ່ງໄດ້ຈາກການນໍາປືນໃຫຍ່ລາກຈູງ FH-77 ຂະ
ໜາດ 155 ມມ ມາຕິດຕັ້ງໃສ່ເທິງລົດບັນທຸກ 6x6 Vovlo A25C ໃຊ້ລະບົບການຍິງອັດຕະໂນມັດ, ເປັນໂຄງການຮ່ວມມືກັນລະຫວ່າງ ຊູແອັດ ແລະ
ນອກແວ ແລະ ດໍາເນີນການ ໂດຍບໍລິສັດ BAE system AB ຂອງຊູແອັດເປັນສ່ວນໃຫຍ່, ສ່ວນບໍລິສັດ Kongsberg Defense & Aerospace
ຂອງ ນອກແວ ມີແຜນຈະຊອກຫາ Archer ເຂົ້າປະຈໍາການປະເທດລະ 24 ລະບົບ, ເຮັດໃຫ້ປັດຈຸບັນ ກອງທັບຊູແອັດ ມີປືນໃຫຍ່ອັດຕາຈອນລຸ້ນນີ້ໃຊ້
ງານຢູ່ທັງໝົດ 72 ລະບົບ.

     ປືນໃຫຍ່ອັດຕາຈອນ Ar­cher ມີພົນປະຈໍາລົດ 4 ຄົນ, ຂະໜາດ 155 ມມ, ມີໄລຍະຍິງໄກ 30 ກິໂລແມັດ, ສ່ວນກະສຸນຕໍ່ໄລຍະ Base bleed
ມີໄລະຍິງ 40 ກິໂລແມັດ, ແຕ່ຖ້າໃຊ້ກະສຸນ XM982 Ex­caliber ນໍາວິຖີດ້ວຍ GPS ຈະມີໄລຍະຍິງໄກສຸດເຖິງ 60 ກິໂລແມັດ, ອັດຕາການຍິງ 8-9
ນັດຕໍ່ນາທີ, ບັນຈຸກະສຸນ 20 ນັດ, ລະບົບການຍິງເປັນແບບອັດຕະໂນມັດ, ໃຊ້ເວລາກະກຽມການຍິງ 30 ວິນາທີ, ຍ້າຍທີ່ ຕັ້ງໄດ້ໄວ, ເໝາະສົມສໍາລັບ
ໃຊ້ຍຸດທະວິທີແບບຍິງແລ້ວໜີ, ປ້ອງກັນການຕອບໂຕ້ຈາກຝ່າຍກົງກັນຂ້າມ.

     ລະບົບການຂັບເຄື່ອນ, ລົດບັນທຸກແມ່ນໃຊ້ເຄື່ອງຈັກນໍ້າມັນກາຊວນ 340 ແຮງມ້າ, ມີຄວາມໄວສູງສຸດ 70 ກິໂລແມັດຕໍ່ຊົ່ວໂມງ, ໄລຍະປະຕິບັດ
ການ 500 ກິໂລແມັດ. ສາມາດລໍາລຽງທາງອາກາດໄດ້ດ້ວຍເຄື່ອງບິນລໍາລຽງຂະໜາດກາງເຊັ່ນ: Airbus A400M.

ແຫຼ່ງທີ່ມາ: ໜັງສືພິມ ກອງທັບ
ວັນທີ 11/08/2022