ບໍລິສຸດຕໍ່ຊາດ ຮັບໃຊ້ປະຊາຊົນຢ່າງສຸດໃຈ ເສີມຂະຫຍາຍທາດແທ້ມູນເຊື້ອປະຕິວັດ ສໍາເລັດທຸກຫນ້າທີ່

ອາເມຣິກາ ​ເພີ່ມອັດຕາດອກເບ້ຍ​ເພື່ອຄວບຄຸມໄພເງິນເຟີ້


     ສຳນັກຂ່າວຊິນຮ່ວາໃຫ້ຮູ້ວ່າ: ວັນທີ 15 ມິຖຸນາ ນີ້, ທະນາຄານກາງ ສະຫະລັດອາເມຣິກາ ປະກາດປັບອັດຕາດອກເບ້ຍຂຶ້ນເປັນ 0,75 %,ໂດຍຍົກ
ລະດັບເປົ້າໝາຍຂອງອັດຕາເງິນທຶນຂອງລັດຖະບານກາງໃຫ້ຢູ່ລະຫວ່າງ 1,5% ຫາ1,75%. ນີ້ແມ່ນການເພີ່ມອັດຕາດອກເບ້ຍຄັ້ງໃຫຍ່ທີ່ສຸດນັບແຕ່ ປີ
1994 ເປັນຕົ້ນມາ, ສະແດງໃຫ້ເຫັນຄວາມຮີບດ່ວນຂອງການຄວບຄຸມໄພເງິນເຟີ້.

     ຄະນະກໍາມະການຕະຫຼາດ ແລະ ຄະນະກໍາມະການທະນາຄານກາງ ອາເມຣິກາ ໄດ້ຕັດສິນໃຈອອກຖະແຫຼງການໃນ ວັນທີ 15 ມິຖຸນາ ຫຼັງຈາກສິ້ນສຸດ
ກອງປະຊຸມນະໂຍບາຍການເງິນສອງມື້, ໂດຍກ່າວວ່າອັດຕາເງິນເຟີ້ຍັງຄົງສູງ, ສະທ້ອນໃຫ້ເຫັນຄວາມບໍ່ສົມດຸນໃນການສະໜອງ ແລະ ຄວາມຕ້ອງການ
ທີ່ກ່ຽວຂ້ອງກັບການລະບາດຂອງພະຍາດໃໝ່, ການເພີ່ມຂຶ້ນຂອງລາຄາພະລັງງານ ແລະ ຄວາມກົດດັນດ້ານອື່ນໆ. ຄະນະກໍາມະການມີຄວາມເປັນຫ່ວງ
ສູງກ່ຽວກັບຄວາມສ່ຽງຂອງອັດຕາເງິນເຟີ້.

     ທ່ານ ເຈີໂຣມ ໂພແວວ ປະທານທະນາຄານກາງ ກ່າວໃນກອງປະຊຸມຂ່າວຫຼັງກອງປະຊຸມວ່າ, ໃນກອງປະຊຸມນະໂຍບາຍການເງິນໃນຕົ້ນເດືອນ ພຶດສະ
ພາ ຜ່ານມາ, ບັນດາສະມາຊິກຄະນະກຳມະການໄດ້ເຫັນດີເປັນເອກະສັນກັນວ່າ, ຖ້າສະພາບເສດຖະກິດແລະການເງິນພັດທະນາຕາມຄາດໝາຍ, ກອງປະຊຸມ
ຄັ້ງນີ້ຄວນພິຈາລະນາການເພີ່ມອັດຕາດອກ ເບ້ຍ 50 ຈຸດພື້ນຖານ, ແຕ່ການພັດທະນາຍັງປະເຊີນໜ້າກັບຫຼາຍໆຢ່າງ, ລວມທັງການເພີ່ມຂຶ້ນຂອງຂໍ້ມູນອັດ
ຕາເງິນເຟີ້ທີ່ບໍ່ຄາດຄິດທີ່ຜ່ານມາ, ຄະນະກໍາມະການເຊື່ອວ່າ, ເພື່ອເຮັດໃຫ້ສະພາກເສດຖະກິດມີຄວາມດຸນດ່ຽງ, ອາດຈະຕ້ອງເພີ່ມອັດຕາດອກເບ້ຍໄປເຖິງ
75 ຈຸດ ພື້ນຖານໃນຂ້າງໜ້າ.

ແຫຼ່ງທີ່ມາ: ໜັງສືພິມ ກອງທັບ
ວັນທີ 20/06/2022