ອາຊຽນສ້າງຕັ້ງກອງທຶນຮັບມືກັບການແຜ່ລະບາດຂອງພະຍາດ ໂຄວິດ- 19
ສໍານັກຂ່າວ ບີບີຊີ ລາຍງານ ໃນວັນທີ 30 ມິຖຸນານີ້ວ່າ: ໃນກອງປະຊຸມສຸດຍອດອາຊຽນ ຄັ້ງທີ 36 ທີ່ຈັດຂຶ້ນທາງອອນລາຍ, ບັນດາປະເທດສະມາຊິກອາຊຽນໄດ້ປະ
ກາດສ້າງຕັ້ງກອງທຶນຮັບມືກັບການແຜ່ລະບາດຂອງພະຍາດ ໂຄວິດ-19 ແລະ ເພື່ອພະຍາຍາມຊຸກຍູ້ໃຫ້ເສດຖະກິດຟື້ນຟູຄືນຢ່າງຮອບດ້ານ.
ໃນຖະແຫຼງການໄດ້ລະບຸວ່າ: ບັນດາປະເທດທີ່ເຂົ້າຮ່ວມກອງປະຊຸມໄດ້ປະກາດສ້າງຕັ້ງກອງທຶນຮັບມືກັບການແຜ່ລະບາດຂອງພະຍາດ ໂຄວິດ-19 ສຳລັບອາຊຽນ ແລະ
ຈະພະຍາຍາມຊຸກຍູ້ໃຫ້ອາຊຽນສາມາດຟື້ນຟູເສດຖະກິດຈາກຜົນກະທົບຂອງການແຜ່ລະບາດຂອງພະຍາດ ໂຄວິດ-19, ອາຊຽນໄດ້ວາງໂຄງຮ່າງຟື້ນຟູແບບຄົບວົງຈອນ
ເພື່ອໃຫ້ພາກພື້ນຕົນສາມາດກ້າວຜ່ານໄລຍະຟື້ນຟູ. ຖະແຫຼງການຍັງເນັ້ນໜັກເຖິງຄວາມສຳຄັນໃນການເພີ່ມທະວີການຮ່ວມມືລະຫວ່າງອາຊຽນກັບຄູ່ຮ່ວມມືຕ່າງໆ ແລະ
ອົງການຈັດຕັ້ງສາກົນໃນການຮັບມືກັບການແຜ່ລະບາດຂອງພະຍາດ ໂຄວິດ-19.