ຄວາມຂັດແຍ້ງລະຫວ່າງ ຣັດເຊຍ-ອູແກຣນ
ຍັງຈະສືບຕໍ່ຮ້າຍແຮງຂຶ້ນຖ້າມີປະເທດອື່ນເຂົ້າມາຊ່ວຍທາງທະຫານ
ສຳນັກຂ່າວຊິນຮວາໃຫ້ຮູ້ວ່າ: ນັບແຕ່ຣັດເຊຍໄດ້ດຳເນີນການເຄື່ອນໄຫວທາງການທະຫານພິເສດຕໍ່ອູແກຣນໃນວັນທີ 24 ກຸມພາປີນີ້,
ຄວາມຂັດແຍ້ງ
ລະຫວ່າງຣັດເຊຍກັບອູແກຣນມີແຕ່ນັບມື້ເພີ່ມທະວີຂຶ້ນ. ເຖິງວ່າຣັດເຊຍໄດ້ພະຍາຍາມດຳເນີນການເຈລະຈາມາແລ້ວຫຼາຍຄັ້ງ,
ບວກໃສ່ຂໍ້ຕົກລົງກ່ຽວກັບ
ການສົ່ງອອກຜະລິດຕະພັນກະເສດຢູ່ບັນດາທ່າກຳປັ່ນທະເລດຳ, ແຕ່ມາຮອດປະຈຸບັນຍັງບໍ່ເຫັນຈຸດທີ່ຈະສາມາດບັນລຸສັນຕິພາບໄດ້.
ພາຍຫຼັງການເຄື່ອນ
ໄຫວພິເສດທາງການທະຫານຂອງຣັດເຊຍຕໍ່ອູແກຣນ, ຄວາມຂັດແຍ້ງລະຫວ່າງສອງຝ່າຍໄດ້ເພີ່ມທະວີຂຶ້ນຢ່າງວ່ອງໄວ,
ຄ່ອຍໆແຜ່ລາມອອກຈາກເຂດ
ດອນບັດໄປຍັງຫຼາຍແຫ່ງຢູ່ພາກຕາເວັນອອກຂອງອູແກຣນ. ຫຼັງຈາກນັ້ນ, ກອງທັບອູແກຣນໄດ້ດຳເນີນການບຸກໂຈມຕີດ້ວຍການໜູນຊ່ວຍຂອງອົງການ
ສືບລັບທາງການທະຫານຈາກສະຫະລັດ ແລະ ຝ່າຍຕາເວັນຕົກ.
ວັນທີ 5 ຕຸລາ, ທ່ານ ປູຕິນ ປະທານາທິບໍດີຣັດເຊຍ ໄດ້ຮັບຮອງເອົາໂດເນັສ, ລູຮັນ ແລະ ເຄີຊອນ ແລະ ໄດ້ລົງນາມໃນເອກະສານນິຕິກຳທີ່ກ່ຽວຂ້ອງ ສຳລັບການຮັບຮອງເອົາ 4 ເຂດດັ່ງກ່າວເຂົ້າເປັນສ່ວນໜຶ່ງຂອງດິນແດນຣັດເຊຍ. ວັນທີ 8 ຕຸລາ, ອູແກຣນ ໄດ້ກໍ່ເຫດການລະເບີດຂົວ ໄຄຣເມຍ ຍິ່ງເຮັດ ໃຫ້ສະພາບມີຄວາມເຄັ່ງຕຶງຂຶ້ນຕື່ມ. ເລີ່ມແຕ່ວັນທີ 10 ຕຸລາ ເປັນຕົ້ນມາ, ກອງທັບຣັດເຊຍສືບຕໍ່ດຳ ເນີນການບຸກໂຈມຕີຄັ້ງໃຫຍ່ໃສ່ກອງບັນຊາການທະ ຫານ ແລະ ບັນດາສະຖານທີ່ສື່ສານຂອງອູແກຣນ. ນອກນັ້ນທັງສອງໄດ້ມີການປະທະກັັນຢ່າງຮຸນແຮງມາຈົນຮອດປັດຈຸບັນ. ນັກວິເຄາະຫຼາຍຄົນໃຫ້ທັດສະ ນະວ່າ: ຄວາມຂັດແຍ້ງກັນລະຫວ່າງຣັດເຊຍ-ອູແກຣນ ແມ່ນຍັງຈະສືບຕໍ່ອີກດົນ, ການປະ ສານງານລະຫວ່າງສອງປະເທດກໍ່ຍັງບໍ່ມີທ່າທີ່ຈະບັນລຸສັນຕິພາບ ໄດ້. ອີກດ້ານໜຶ່ງ, ໂດຍສະເພາະອາເມລິກາ ແລະ ຕາເວັນຕົກຍັງສົ່ງອາວຸດ ແລະ ພາຫະນະສົງຄາມຕ່າງໆເຂົ້າມາອູແກຣນ ຖ້າຫາກອູແກຣນຍັງສືບຕໍ່ເພີ່ມທະ ວີການພົວພັນກັບພາຍນອກ, ອາດຈະຍິ່ງເພີ່ມຄວາມເຄັ່ງຕຶງ ແລະ ອາດຈະແຜ່ລາມເປັນວົງກວ້າງອອກກໍເປັນໄດ້.
ແຫຼ່ງທີ່ມາ: ໜັງສືພິມກອງທັບ
ວັນທີ 26/12/2022