ອິນໂດເນເຊຍ ຕັ້ງເປົ້າຈັດສັນເງິນ 38.69 ລ້ານໂດລາ ເພື່ອສ້າງຂົວອູ່ 63 ແຫ່ງ
ວັນທີ 28 ກໍລະກົດ ຜ່ານມາ ກະຊວງໂຍທາທິການຂອງ ອິນໂດເນເຊຍ ລາຍງານວ່າ, ລັດຖະບານອິນໂດເນເຊຍ ວາງແຜນຈະຈັດສັນເງິນ
ປະມານ 38.69 ລ້ານໂດລາ ເພື່ອກໍ່ສ້າງຂົວອູ່63 ແຫ່ງໃນປີ 2026.
ທ່ານ ໂດດີ ຮັງໂກໂດ ກະຊວງໂຍທາທິການຂອງ ອິນໂດເນເຊຍ ໃຫ້ຮູ້ວ່າ: ຂົວດັ່ງກ່າວຈະຊ່ວຍຊຸມຊົນ ໂດຍສະເພາະຜູ້ທີ່ອາໄສຢູ່ເຂດຫ່າງ
ໄກສອກຫຼີກ ປະເຊີນກັບສິ່ງທ້າທາຍທາງດ້ານພູມສາດ ສາມາດເຂົ້າເຖິງການພັດທະນາທີ່ເທົ່າທຽມ, ລວມເຖິງປັບປຸງການເຊື່ອມຕໍ່ລະຫວ່າງບ້ານ,
ເຂດຫ່າງໄກສອກຫຼີກ ແລະ ສູນກາງເສດຖະກິດ ພ້ອມເລັ່ງກິດຈະກຳປະຈຳວັນໂດຍສະເພາະວຽກງານເສດຖະກິດ, ການສຶກສາ ແລະ ການບໍລິ
ການສາທາລະນະ. ທັງນີ້, ກະຊວງດັ່ງກ່າວວາງເປົ້າໝາຍຈະສ້າງຂົວອູ່ 50 ແຫ່ງໃນປີ 2025, ໃນນັ້ນ 8 ແຫ່ງແມ່ນຢູ່ ແຂວງສຸລາເວສີໃຕ້.
ແຫຼ່ງທີ່ມາ: ຂກທ
ວັນທີ 29/07/2025