ຄະນະຜູ້ແທນ ອາເມຣິກາ ຈະຢ້ຽມຢາມ ກຣີນແລນ ເພື່ອຊຸກຍູ້ແຜນໂຮມດິນແດນ
ທ່ານ ນາງ ເຈດີ ແວນ ພັນລະຍາຂອງທ່ານຮອງປະທານາທິບໍດີ ອາເມຣິກາ
ໃນວັນທີ 24 ມີນາ 2025 ນີ້: ຄະນະຜູ້ແທນຂັ້ນສູງ ອາເມຣິກາ ຈະຢ້ຽມຢາມເກາະ ກຣີນແລນ ໃນອາທິດນີ້, ໃນຂະນະທີ່ອຳນາດ
ການປົກຄອງຂອງທ່ານປະທານາທິບໍດີ ໂດນັນທຣຳ ພວມຊຸກຍູ້ແຜນການໂຮມ ເຂດດິນແດນເຄິ່ງປົກຄອງດ້ວຍຕົນເອງ.
ຄະນະຜູ້ແທນນຳໂດຍ ພັນລະຍາຂອງທ່ານຮອງປະທານາທິບໍດີ ອາເມຣິກາ ເຈດີ ແວນ ພ້ອມກັບຄະນະທີ່ປຶກສາຄວາມໝັ້ນຄົງແຫ່ງ
ຊາດ ອາເມຣິກາ ແລະ ລັດຖະມົນຕີກະຊວງພະລັງງານ. ທຳນຽບຂາວຊີ້ແຈ້ງວ່າ, ບັນດາເຈົ້າໜ້າທີ່ຂອງ ອາເມຣິກາ ມີແຜນການໄປຢ້ຽມ
ຢາມຖານທີ່ໝັ້ນອະວະກາດ Pituffik, ຖານທີ່ໝັ້ນດ້ານການທະຫານຂອງອາເມຣິກາຢູ່ ກຣີນແລນ ກໍຄືຢ້ຽມຢາມບັນດາເຂດປູຊະນີຍະ
ສະຖານປະຫວັດສາດຢູ່ທີ່ນັ້ນ. ໂຄສົກສະພາຄວາມໝັ້ນຄົງແຫ່ງຊາດ ອາເມຣິກາ ເປີດເຜີຍວ່າ: ຄະນະຜູ້ແທນ ອາເມຣິກາ ເຊື່ອໝັ້ນວ່າ
ການຢ້ຽມຢາມຈະນຳມາເຊິ່ງໂອກາດສ້າງການພົວພັນຄູ່ຮ່ວມມືທີ່ເຄົາລົບສິດຕັດສິນດ້ວຍຕົນເອງຂອງຊາວ ກຣີນແລນ ແລະ ຊຸກຍູ້ການ
ຮ່ວມມືດ້ານເສດຖະກິດສອງປະເທດ.
ແຫຼ່ງທີ່ມາ: ຂກທ
ວັນທີ 27/03/2025