ກຳປູເຈຍ ເລີ່ມໂຄງການ ເກັບກູ້ລະເບີດຄືນໃໝ່
ສຳນັກຂ່າວ ເອເອຟພີ ລາຍງານຈາກນະຄອນຫຼວງ ພະນົມເປັນ ຂອງປະເທດກຳປູເຈຍ ວ່າເຈົ້າໜ້າທີ່ ເກັບກູ້ລະເບີດຂອງ ກຳປູເຈຍ
ກຽມກັບມາປະຕິບັດການອີກຄັ້ງ ຫຼັງຈາກທີ່ ສະຫະລັດອາເມຣິກາ ກັບມາອະນຸມັດ ໃຫ້ທຶນສະໜັບສະໜູນໂຄງການດັ່ງກ່າວຕໍ່ໄປ.
ພາຍຫລັງທີ່ ກຳປູເຈຍ ໄດ້ຢຸດຕິການປະຕິບັດການເກັບກູ້ລະເບີດບາງສ່ວນຕັ້ງແຕ່ທ້າຍເດືອນ ມັງກອນ ທີ່ຜ່ານມາ, ເນື່ອງຈາກ ລັດ
ຖະບານ ສະຫະລັດອາເມຣິກາ ໄດ້ຢຸດຕິໃຫ້ທຶນສະໜັບສະໜູນຢ່າງກະທັນຫັນຕາມຄຳສັ່ງຂອງ ທ່ານ ໂດນັນ ທຣຳ ປະທານາທິບໍດີ ສະ
ຫະລັດອາເມຣິກາ ທີ່ໄດ້ສັ່ງຢຸດຕິຄວາມຊ່ວຍເຫລືອ ໂຄງການນີ້ຕໍ່ຕ່າງປະເທດເປັນເວລາ 90 ວັນ.
ທ່ານ ເຮງລັດຕະນາ ຫົວໜ້າ ກົມສູນປະຕິບັດການເກັບກູ້ລະເບີດ ກຳປູເຈຍ ກ່າວວ່າ: ສະຫະລັດອາເມຣິກາ ໄດ້ໃຫ້ສິດທິ ຍົກເວັ້ນ
ແບບມີເງື່ອນໄຂສຳລັບການໃຫ້ທຶນສະໜັບສະໜູນອົງກອນພັນທະມິດ ເພື່ອການເກັບກູ້ ລະເບີດໃນ ກຳປູເຈຍ. ພ້ອມທັງລະບຸວ່າໄດ້ສັ່ງ
ໃຫ້ເຈົ້າໜ້າທີ່ເກັບກູ້ລະເບີດທີ່ຕ້ອງຢຸດຕິໃນຫຼາຍອາທິດຜ່ານມາ ໃຫ້ກັບຄືນມາປະຕິບັດການເກັບກູ້ລະເບີດຄືນໃໝ່.
ແຫຼ່ງທີ່ມາ: ຂກທ
ວັນທີ 26/02/2025