ສປ ຈີນ ຍົກເວັ້ນວີຊ່າຜ່ານແດນໃຫ້ ສສ ຫວຽດນາມ
ວິທະຍຸ-ໂທລະພາບສູນກາງຈີນ, ທ່ານ ນາງ ຟາມ ທຸ ຮັງ ໂຄ ສົກກະຊວງການຕ່າງປະເທດ ຫວຽດນາມ ໄດ້ກ່າວໃນກອງປະຊຸມຖະ
ແຫຼງຂ່າວວ່າ: ສສ ຫວຽດນາມ ຊົມເຊີຍ ສປ ຈີນ ທີ່ໄດ້ລວມ ສສ ຫວຽດນາມ ເຂົ້າໃນບັນດາປະເທດ ທີ່ສາມາດນຳໃຊ້ນະໂຍບາຍ ຍົກເວັ້ນ
ວີຊ່າ ຜ່ານແດນ 240 ຊົ່ວໂມງ ແລະ ນະໂຍບາຍຍົກເວັ້ນວີຊ່າ ເຂົ້າເມືອງ 30 ວັນ ຢູ່ແຂວງໄຫຫຼຳ ຂອງ ສປ ຈີນ.
ທ່ານ ນາງ ຟາມທຸຮັງ ສະແດງຄວາມຄອງຄອຍ ລົງເລິກການແລກປ່ຽນດ້ານວັດທະນະທຳກັບ ສປ ຈີນ ຕື່ມອີກ. ພາຍຫລັງອົງການຄຸ້ມ
ຄອງຄົນເຂົ້າເມືອງແຫ່ງຊາດຈີນ ໄດ້ປະກາດວ່າ: ນັບແຕ່ວັນທີ 20 ສິງຫາ ປີ 2026 ເປັນຕົ້ນໄປ, ພົນລະເມືອງ ກຽກກິດສະຖານ ແລະ
ຫວຽດນາມ ສາມາດເດີນທາງເຂົ້າ ສປ ຈີນ ໂດຍນຳໃຊ້ນະໂຍບາຍ ຍົກເວັ້ນວີຊ່າຜ່ານແດນ 240 ຊົ່ວໂມງ ແລະ ນະໂຍບາຍຍົກເວັ້ນ ວີຊ່າ
ເຂົ້າເມືອງ 30 ວັນຢູ່ແຂວງໄຫຫຼຳ.
ມາຮອດປັດຈຸບັນ, ຈຳນວນປະເທດ ທີ່ສາມາດ ນຳໃຊ້ນະໂຍບາຍ ຍົກເວັ້ນວີຊ່າຜ່ານແດນ 240 ຊົ່ວໂມງເພີ່ມຂຶ້ນເປັນ 57 ປະເທດ ແລະ
ຈຳນວນປະເທດ ທີ່ສາມາດນຳໃຊ້ນະໂຍບາຍຍົກ ເວັ້ນວີຊ່າ ເຂົ້າເມືອງ 30 ວັນ ຢູ່ແຂວງໄຫຫຼຳ ເພີ່ມຂຶ້ນເປັນ 61 ປະເທດ.
ແຫຼ່ງທີ່ມາ: ຂກທ
ວັນທີ 25/08/2026