ອາເມຣິກາ ຖອນຄືນສິດນິຕິກຳຂອງຜູ້ເຂົ້າເມືອງ ຫຼາຍກວ່າ 500.000 ຄົນ
ວິທະຍຸກະຈາຍສຽງ ຫວຽດນາມ ລາຍງານເມື່ອບໍ່ດົນມານີ້ວ່າ: ອາເມຣິກາ ໄດ້ປະກາດ ຢຸດຂໍ້ກຳນົດນິຕິກຳຂອງຜູ້ເຂົ້າເມືອງ 532.000 ຄົນ
ກຳນົດເວລາບັງຄັບ ພວກເຂົາເຈົ້າ ຕ້ອງອອກຈາກ ອາເມຣິກາ. ຄຳຕັດສິນນີ້ ແມ່ນຄຳໝັ້ນສັນຍາຂອງ ທ່ານ ໂດນັນ ທຣຳ ປະທານາທິດບໍດີ ອາເມ
ຣິກາ ກ່ຽວກັບ ບັ້ນເນລະເທດຂະໜາດໃຫຍ່ກວ່າໝູ່ໃນປະຫວັດສາດຂອງ ອາເມຣິກາ ໃຫ້ປະກົດຜົນເປັນຈິງ ແລະ ຈຳກັດ ຄົນເຂົ້າເມືອງ.
ຄຳສັ່ງດັ່ງກ່າວ ໄດ້ສົ່ງຜົນສະທ້ອນຕໍ່ ປະຊາຊົນສ່ວນຫຼາຍ ທີ່ເດີນທາງມາຈາກ ພາກພື້ນ ອາເມຣິກາລາຕິນໄປ ອາເມຣິກາ ຕາມລາຍການໂດຍ
ອຳນາດການປົກຄອງຂອງປະທານາບໍດີ ໂຈໄບ ເດນ ຍົກອອກມາເມື່ອເດືອນຕຸລາປີ 2022 ແລະ ໄດ້ເປີດກວ້າງໃນ ເດືອນ ມັງກອນ ປີ 2023.
ຕາມຂໍ້ຕົກລົງ ສະບັບໃໝ່, ພວກເຂົາເຈົ້າ ຈະເສຍສິດປົກປ້ອງ ດ້ານກົດໝາຍພາຍຫຼັງເວລາ 30 ວັນ ນັບແຕ່ເມື່ອຄຳສັ່ງຂອງກະຊວງປ້ອງກັນ
ຄວາມສະຫງົບພາຍໃນໄດ້ປະກາດ ເຊິ່ງຄາດວ່າໃນວັນທີ 25 ມີນາ ຈະມາເຖິງ. ສິ່ງດັ່ງກ່າວ ກໍໝາຍຄວາມວ່າ ພວກເຂົາເຈົ້າ ຈະຕ້ອງອອກຈາກປະ
ເທດ ອາເມຣິກາ ກ່ອນວັນທີ 24 ເມສາ.
ແຫຼ່ງທີ່ມາ: ຂກທ
ວັນທີ 25/03/2025