ຊູແອັດ ປ່ອຍອາຍພິດເຮືອນແກ້ວ ເພີ່ມຂຶ້ນ ສູງສຸດໃນຮອບ 35 ປີ
ສຳນັກຂ່າວ ເອເອຟພີ ລາຍງານ ຈາກນະຄອນຫຼວງ ສະຕອກໂຮມ ປະເທດຊູແອັດ ເມື່ອບໍ່ດົນມານີ້ວ່າ: ການປ່ອຍອາຍພິດເຮືອນ
ແກ້ວ ໃນຊູແອັດ ເພີ່ມຂຶ້ນ 7% ໃນປີ 2024 ເຊິ່ງເປັນຕົວເລກຫຼາຍທີ່ສຸດ ນັບຕັ້ງແຕ່ປີ1990 ໂດຍເປັນຜົນມາຈາກການໃຊ້ນ້ຳມັນ
ກາຊວນ ເພີ່ມຂຶ້ນຫຼາຍ.
ຕາງໜ້າສຳນັກງານຄຸ້ມຄອງສິ່ງແວດລ້ອມແຫ່ງຊາດ ຊູແອັດ ກ່າວວ່າ: ການປ່ອຍ ອາຍພິດເຮືອນແກ້ວ ລວມມີ 47,5 ລ້ານໂຕນ
ທຽບເທົ່າກັບ ກາກບອນດີອົກຊິດ ເພີ່ມຂຶ້ນຫຼາຍກວ່າ 3 ລ້ານໂຕນ ເມື່ອທຽບກັບປີ 2023. ຕົວເລກສະຖິຕິ ດັ່ງກ່າວ, ຖືເປັນການ
ເພີ່ມຂຶ້ນປະຈຳປີຫຼາຍທີ່ສຸດ ນັບຕັ້ງແຕ່ ປີ 1990, ໂດຍຍົກເວັ້ນ ປີ 2010 ເຊິ່ງເປັນ ໄລຍະການຟື້ນຕົວຈາກວິກິດການທາງການເງິນ.
ສ່ວນສາເຫດຫຼັກມາຈາກການນຳໃຊ້ນ້ຳມັນກາຊວນຈາກເຊື້ອໄຟຟອສຊິລເພີ່ມຂຶ້ນໃນຍານພາຫະນະຕາມຖະໜົນ ແລະ ເຄື່ອງຈັກ.
ຂະນະທີ່ ພາກສ່ວນການຂົນສົ່ງພາຍໃນປະເທດເປັນແຫຼ່ງປ່ອຍອາຍພິດຂະໜາດໃຫຍ່ທີ່ສຸດຂອງ ຊູແອັດ ໃນປັດຈຸບັນ.
ແຫຼ່ງທີ່ມາ: ຂກທ
ວັນທີ 23/12/2025