ນາຍົກລັດຖະມົນຕີ ອູແກຼນ ຍື່ນໃບຄຳຮ້ອງລາອອກຈາກຕຳແໜ່ງ
ລາຍງານ ວັນທີ 16 ກໍລະ ກົດ ນີ້, ທ່ານ ເດນີສ ສະໄມຮານນາຍົກລັດຖະມົນຕີ ອູແກຼນ ແຈ້ງໃຫ້ຊາບວ່າ: ໄດ້ຍື່ນໃບຄຳຮ້ອງລາອອກຈາກ
ຕຳແໜ່ງ, ການກະທຳດັ່ງກ່າວໄດ້ເປີດທາງໃຫ້ ແກ່ການປະຕິຮູບຄະນະລັດຖະບານຊຸດໃໝ່, ເຊິ່ງຄາດວ່າຈະເລີ່ມປະຕິບັດພາຍໃນອາທິດນີ້. ກ່ອນ
ໜ້ານັ້ນ, ສື່ມວນຊົນ ອູແກຼນ ໄດ້ນຳສະເໜີບັນດາແຫຼ່ງຂ່າວຈາກສະພາແຫ່ງຊາດ ແລະ ລັດຖະບານ. ເນື່ອງຈາກສະພາແຫ່ງຊາດ ຄາດວ່າ: ຈະຍົກ
ເລີກອາຍຸການກັບລັດຖະບານປັດຈຸບັນ ໃນວັນທີ 16 ກໍລະກົດ ແລະ ແຕ່ງຕັ້ງຄະນະລັດຖະບານໃໝ່ໃນວັນທີ 17 ກໍລະກົດນີ້. ຕາມແຫຼ່ງຂ່າວຍັງ
ໃຫ້ຮູ້ອີກວ່າ: ປະທານາທິບໍດີ ອູແກຼນ ໄດ້ສະເໜີທ່ານນາງ ຢູເລຍ ຊິບຣີ ເດັນໂກ ຮອງນາຍົກລັດຖະມົນຕີຜູ້ທີໜຶ່ງ ທັງເປັນລັດຖະມົນຕີກະຊວງ
ເສດຖະກິດ ຮັບດຳລົງຕຳແໜ່ງເປັນຜູ້ນຳລັດຖະບານຊຸດໃໝ່. ການປະຕິຮູບຄະນະລັດຖະບານຄັ້ງນີ້ ເພື່ອແນໃສ່ຊຸກຍູ້ຄວາມສາມາດບົ່ມຊ້ອນດ້ານ
ເສດຖະກິດ, ເປີດກວ້າງການໜູນຊ່ວຍສັງຄົມ ແລະ ເພີ່ມຂອບຂະໜາດການຜະລິດດ້ານປ້ອງກັນຊາດ. ໃນຖະແຫຼງການອື່ນທີ່ໄດ້ປະກາດໃນວັນ
ດຽວກັນ, ທ່ານ ຍັງໄດ້ກ່າວອີກວ່າ: ນີ້ຖືວ່າດ້ວຍບັນດາບົດຮຽນ ປະສົບການໃນໄລຍະເປັນນາຍົກລັດຖະມົນຕີ, ທ່ານ ສະໄມຮານ ມີບົດບາດທີ່ພົ້ນ
ເດັ່ນ ແລະຈະດໍາລົງຕຳແໜ່ງເປັນລັດຖະມົນຕີກະຊວງປ້ອງກັນປະເທດ ຄົນໃໝ່.
ແຫຼ່ງທີ່ມາ: ຂກທ
ວັນທີ 22/07/2025