ເອີຣົບ ກຳລັງປະເຊີນໜ້າກັບລາຄາອາວຸດທີ່ເພີ່ມຂຶ້ນສູງ
ສໍານັກຂ່າວ ຣອຍເຕີ ລາຍງານໃນວັນທີ 18 ພຶດສະພານີ້ວ່າ: ທ່ານ ແຮນໂນ ລັດຖະມົນຕີປ້ອງກັນຊາດແອັດສະໂຕນີ, ໃຫ້ຮູ້ວ່າ
ບັນດາປະເທດ ເອີຣົບ ກຳລັງປະເຊີນໜ້າກັບລາຄາອາວຸດທີ່ເພີ່ມຂຶ້ນສູງ ໃນສະພາບການທີ່ອົງການ ນາໂຕ ໄດ້ເພີ່ມທະວີດັດຊະນີປ້ອງ
ກັນຊາດ. ຕົວຈິງໃຫ້ເຫັນວ່າ ລາຄາບາງປະເພດສິນຄ້າດ້ານການກະຫານໄດ້ເພີ່ມຂຶ້ນປະມານ 50%, ຊ້ຳບໍ່ໜຳແມ່ນ 60% ເມື່ອທຽບ
ກັບ 2 ປີກ່ອນ.
ການເພີ່ມຂຶ້ນຢ່າງກະທັນຫັນຂອງອາວຸດ ແລະ ບັນດາປະເພດສິນຄ້າດ້ານການທະຫານ ພວມເຮັດໃຫ້ແຜນການໃຊ້ຈ່າຍປ້ອງກັນ
ຊາດຂອງ ນາໂຕ ຖືກສັບສົນ ໃນສະພາບການ ເອີຣົບ ຖືກກົດດັນຕ້ອງປະກອບອາວຸດຄືນໃໝ່. ເອີຣົບ ກໍຕ້ອງແບກຫາບເງິນອຸປະຖຳ
ໃຫ້ແກ່ ອູແກຣນ ສ່ວນຫຼາຍ ໃນການປະທະກັນກັບ ຣັດເຊຍ ຂະນະທີ່ ອາເມຣິກາ ໄດ້ຫັນຈຸດສຸມໄປຍັງເຂດອື່ນ. ແຕ່ຂະແໜງອຸດສາ
ຫະກຳປ້ອງກັນຊາດ ເອີຣົບ ພັດບໍ່ທັນກຽມພ້ອມການລົງທຶນເປີດກວ້າງການຜະລິດ ກ່ອນທີ່ບັນດາລັດຖະບານ ເຊັນສັນຍາທາງການ.
ແຫຼ່ງທີ່ມາ: ຂກທ
ວັນທີ 21/05/2026