ກຸ່ມຫລອກລວງທາງໂທລະຄົມໃນ ມຽນມາ ຖືກຄຸມຕົວສົ່ງກັບຈີນ 2.876 ຄົນ
ວິທະຍຸສາກົນແຫ່ງ ສປ ຈີນ ລາຍງານເມື່ອບໍ່ດົນມານີ້ວ່າ: ຜູ້ຖືກຫາຫລອກລວງ ທາງໂທລະຄົມ ທີ່ເມືອງ ເມວະດີ ປະເທດມຽນມາ
ສັນຊາດຈີນ ຈຳນວນ 2.255 ຄົນ ໄດ້ຖືກເຈົ້າໜ້າທີ່ຕຳຫລວດຈີນ ຄຸມຕົວຜ່ານປະເທດໄທ ສົ່ງກັບປະເທດ.
ນັບແຕ່ວັນທີ 20 ກຸມພາ ປີນີ້ເປັນຕົ້ນມາ, ສປ ຈີນ, ມຽນມາ ແລະ ໄທ ໄດ້ເລີ່ມຮ່ວມມືກັນສືບຄົ້ນ ປາບປາມ ແລະ ເຂົ້າຈັບຄຸມຕົວ
ຜູ້ຕ້ອງສົງໄສ ໃນຄະດີການຫລອກລວງທາງໂທລະຄົມ ທີ່ເມວະດີ ປະເທດມຽນມາ ກັບຄືນ ສປ ຈີນ ແລະ ນັບແຕ່ນັ້ນມາໄດ້ມີຜູ້ຕ້ອງສົງ
ໄສ ສັນຊາດຈີນ ຈຳນວນ 2.876 ຄົນຖືກຄຸມຕົວສົ່ງຄືນຈີນ. ນັບແຕ່ຕົ້ນປີນີ້ ເປັນຕົ້ນມາ, ໂດຍແນໃສ່ມ້າງກຸ່ມແກ໊ງ ທີ່ຫລອກລວງທາງໂທ
ລະຄົມ ທີ່ຖືສັນຊາດຈີນ ເປັນເປົ້າໝາຍ ທີ່ມີເຮືອນຮັງຢູ່ເຂດເມືອງຊາຍແດນມຽນມາ ຕິດກັບປະເທດໄທ ມີສະຖານບັນເທິງຄົບວົງຈອນ
ໃນນັ້ນ ມີທັງການຄ້າຂາຍເຖື່ອນ, ຄ້າມະນຸດ ແລະ ຕົວະຕົ້ມທາງໂທລະຄົມ.
ດັ່ງນັ້ນ, ເຈົ້າໜ້າທີ່ຕຳຫລວດຂອງ 3 ປະເທດດັ່ງກ່າວ ຈິ່ງໄດ້ລົງເລິກການຮ່ວມມືດ້ານການປະຕິບັດກົດໝາຍ ຢ່າງເຂັ້ມງວດ, ສາມາດ
ຈັບຕົວຜູ້ຕ້ອງສົງໄສທີ່ເປັນຊາວຈີນ ແລະ ຊາວຕ່າງປະເທດອື່ນໆ ເປັນຈຳນວນຫຼາຍ.
ແຫຼ່ງທີ່ມາ: ຂກທ
ວັນທີ 20/03/2025