ສປຊ ຊົມເຊີຍລີບັງ ແລະ ອິດສະຣາແອນ ທີ່ເພີ່ມເວລາຢຸດຍິງ
ວັນທີ 17 ພຶດສະພາ ນີ້, ຫ້ອງການໂຄສົກເລຂາທິການໃຫຍ່ ອົງການສະຫະປະຊາຊາດ ຫຼື ສປຊ ຖະແຫຼງວ່າ: ທ່ານ ອັນໂຕນີໂອ
ກູເຕີເລດ ເລຂາທິການໃຫຍ່ອົງການສະຫະປະຊາຊາດໄດ້ສະແດງຄວາມຊົມເຊີຍຕໍ່ລີບັງ ແລະ ອິດສະຣາແອນ ທີ່ແກ່ຍາວເວລາຢຸດຍິງ
ອອກໄປອີກ 45 ວັນ. ໃນຖະແຫຼງຂອງຫ້ອງການດັ່ງກ່າວລະບຸວ່າ: ທ່ານ ອັນໂຕນີໂອ ກູເຕີເລດ ກ່າວຢ້ຳວ່າ: ສປຊ ສະໜັບສະໜູນ
ທຸກຄວາມພະຍາຍາມທີ່ມີຈຸດປະສົງເພື່ອສິ້ນສຸດການເຄື່ອນໄຫວທີ່ເປັນປໍລະປັກກັນ, ຫຼຸດຜ່ອນຄວາມທຸກທໍລະມານຂອງປະຊາຊົນທັງ
ສອງຝາກຢູ່ເຂດຊາຍແດນລະຫວ່າງລີບັງ ແລະ ອິດສະຣາແອນ.
ທ່ານ ກູເຕີເລັສ ຮຽກຮ້ອງໃຫ້ບັນດາຝ່າຍເຄົາລົບແລະປະຕິບັດຕາມສັນຍາຢຸດຍິງຢ່າງເຕັມທີ່ ແລະ ປະຕິບັດຕາມພັນທະຂອງ
ຕົນພາຍໃຕ້ກົດໝາຍສາກົນ. ສປຊ ສະໜັບສະໜູນຄວາມພະຍາຍາມທາງການທູດທັງໝົດເພື່ອຊຸກຍູ້ການຈັດຕັ້ງປະຕິບັດມະຕິເລກ
ທີ່ 1701 ຂອງສະພາຄວາມໝັ້ນຄົງອົງການສະຫະປະຊາຊາດຢ່າງຮອບດ້ານ.
ແຫຼ່ງທີ່ມາ: ຂກທ
ວັນທີ 19/05/2026