ຈີນ ປັບປຸງມາດຕະການເພີ່ມພາສີ ຕໍ່ສິນຄ້າອາເມຣິກາ
ໂທລະພາບແຫ່ງ ສປ ຈີນ ລາຍງານໃນວັນທີ 12 ພຶດສະພາ 2025 ວ່າ: ອາເມຣິກາໄດ້ອອກຄຳສັ່ງຝ່າຍບໍລິຫານໂດຍປະກາດປັບປຸງມາດ
ຕະການເພີ່ມພາສີຕໍ່ສິນຄ້ານຳເຂົ້າຈາກຈີນເລີ່ມແຕ່ເວລາ 00 ໂມງ 1 ນາທີ ຂອງວັນທີ 14 ພຶດສະພາ 2025 ຕາມເວລາພາກຕາເວັນອອກຂອງ
ສະຫະລັດອາເມຣິກາ ເປັນຕົ້ນໄປ.
ເພື່ອຈັດຕັ້ງປະຕິບັດຄວາມເຫັນດີເປັນເອກະພາບກັນທີ່ຕົກລົງ ກັນໃນການພົບປະເຈລະຈາຂັ້ນ ສູງກ່ຽວກັບເສດຖະກິດການຄ້າ ສປຈີນ-ສະ
ຫະລັດ, ຄະນະກຳ ມະການລະບຽບການພາສີຂອງ ລັດຖະບານຈີນໄດ້ອອກປະກາດແຈ້ງການໃນວັນທີ 13 ພຶດສະພາ 2025 ວ່າ: ຈີນຈະປັບ
ປຸງມາດຕະການເພີ່ມພາສີຕໍ່ສິນຄ້າທີ່ນຳ ເຂົ້າຈາກສະຫະລັດອາເມຣິກາ ເລີ່ມແຕ່ເວລາ 00 ໂມງ 1 ນາທີ ຂອງວັນທີ 14 ພຶດສະພາ2025 ເປັນ
ຕົ້ນໄປ. ການທີ່ຈີນ ແລະ ອາເມຣິກາ ປັບຫຼຸດພາສີລະຫວ່າງສອງຝ່າຍໃຫ້ຕ່ຳລົງຢ່າງຫຼວງຫຼາຍໃນຄັ້ງນີ້ແມ່ນສອດຄ່ອງກັບຄວາມມຸ່ງຫວັງຂອງຜູ້
ຜະລິດ ແລະ ຜູ້ບໍລິໂພກທັງສອງປະເທດ, ມີຜົນດີຕໍ່ການແລກປ່ຽນດ້ານເສດຖະກິດການຄ້າລະຫວ່າງສອງປະເທດ ສປ ຈີນ-ສະຫະລັດອາເມຣິ
ກາ ກໍຄື ມີຜົນດີຕໍ່ເສດຖະກິດໂລກ.
ນອກນີ້, ສຳລັບມາດຕະການອື່ນໆທີ່ບໍ່ກ່ຽວຂ້ອງກັບພາສີເພື່ອຕອບໂຕ້ ສະຫະລັດອາເມຣິກາ ຂຶ້ນພາສີພາຍຫຼັງວັນທີ 2 ເມສາ ຜ່ານມານີ້,
ພາກສ່ວນທີ່ກ່ຽວຂ້ອງຂອງ ສປ ຈີນຈະຍຸດຕິເປັນການຊົ່ວຄາວ ຫຼື ຍົກເລີກໄປຄຽງຄູ່ກັນໃນໄວໆນີ້.
ແຫຼ່ງທີ່ມາ: ຂກທ
ວັນທີ 19/05/2025