ອິນເດຍ ກາຍເປັນຜູ້ສົ່ງອອກສິນຄ້າເຕັກໂນໂລຊີທີ່ສຳຄັນຂອງ ຣັດເຊຍ
ວິທະຍຸກະຈາຍສຽງ ຫວຽດນາມ ລາຍງານໂດຍອ້າງຂໍ້ມູນຈາກແຫຼ່ງຂ່າວການທູດລະດັບສູງ ຈາກ ສ ອາເມຣິກາ ແລະ ເອີຣົບ ໃນ
ວັນທີ 14 ຕຸລາ 2024 ນີ້ວ່າ: ອິນເດຍ ເປັນປະເທດລາຍໃຫຍ່ຖັດຈາກ ສປ ຈີນ ໃນການສົ່ງອອກສິນຄ້າຜະລິດຕະພັນທາງເຕັກໂນໂລ
ຊີທີ່ສຳຄັນໃຫ້ແກ່ ຣັດເຊຍ ໂດຍສະເພາະແຜງວົງຈອນ, ໄມໂຄຣຊິບ ແລະ ເຄື່ອງກົນຈັກ ອີກຫຼາຍລາຍການຈາກ ອິນເດຍ ໄປ ຣັດເຊຍ
ລວມມູນຄ່າຫຼາຍກວ່າ 60 ລ້ານໂດລາ ສະຫະລັດ ໃນລະຫວ່າງເດືອນ ເມສາ ແລະ ເດືອນ ພຶດສະພາ ທີ່ຜ່ານມາ, ເພີ່ມຂຶ້ນທົບສອງເທົ່າ
ເມື່ອທຽບກັບສະຖິຕິຂອງເດືອນກ່ອນໜ້ານີ້.
ໃນຂະນະທີ່ມູນຄ່າການສົ່ງອອກສິນຄ້າປະເພດດັ່ງກ່າວ ຈາກອິນເດຍ ໄປ ຣັດເຊຍ ເພີ່ມຂຶ້ນເປັນ 95 ລ້ານໂດລາສະຫະລັດ ໃນເດືອນ
ກໍລະກົດ, ເຮັດໃຫ້ ອິນເດຍ ກ້າວຂຶ້ນເປັນອັນດັບ 2 ຖັດຈາກ ສປ ຈີນ ແລະ ເກືອບ 20% ຂອງສິນຄ້າທັງໝົດທີ່ມີການສົ່ງອອກ ເປັນສິນ
ຄ້າທີ່ນຳໃຊ້ເຂົ້າໃນວຽກງານອຸດສາຫະກຳປ້ອງກັນຊາດຂອງ ຣັດເຊຍ.
ແຫຼ່ງທີ່ມາ: ຂກທ
ວັນທີ 16/10/2024