ທ່ານ ມາດູໂຣ ສາບານຕົນຂຶ້ນດຳລົງຕຳແໜ່ງປະທານາທິບໍດີ ເວເນຊູເອລາ
ທ່ານ ນິໂກລາສ ມາດູໂຣ ປະທານາທິບໍດີ ເວເນຊູເອລາ
ວິທະຍຸກະຈາຍສຽງ ຫວຽດນາມ ລາຍງານໃຫ້ຮູ້ໃນວັນທີ 11 ມັງກອນ 2025 ນີ້ວ່າ: ວັນທີ 10 ມັງກອນ ຜ່ານມາ, ທ່ານ ນິໂກລາສ ມາ
ດູໂຣ ປະທານາທິບໍດີ ເວເນຊູເອລາ ໄດ້ສາບານຕົນຂຶ້ນດຳລົງຕຳແໜ່ງ ເປັນອາຍຸການ 6 ປີ ສະໄໝທີ 3.
ພິທີໄດ້ຈັດຂຶ້ນຢູ່ສະພາແຫ່ງຊາດ ເວເນຊູເອລາ ນະຄອນຫຼວງ ກາຣາກັດ (Caracas) ໂດຍການເປັນປະທານຂອງ ທ່ານ ຈອດ ຣັອດຣິ
ເກສ໌ ປະທານສະພາແຫ່ງຊາດ. ທ່ານ ມາດູໂຣ ໄດ້ກ່າວຄຳເຫັນຕໍ່ສະພາແຫ່ງຊາດ ວ່າ: ທ່ານຫວັງວ່າ ອາຍຸການໃໝ່ຂອງທ່ານຈະເປັນ “ ໄລຍະ
ແຫ່ງສັນຕິພາບ, ວັດທະນາຖາວອນ, ຍຸຕິທຳ ແລະ ເປັນພື້ນຖານປະຊາທິປະໄຕໃໝ່ ” ພ້ອມທັງໃຫ້ຄຳໝັ້ນສັນຍາ ຈະປະຕິບັດກົດໝາຍຂອງ
ປະເທດຊາດ ແລະ ໜ້າທີ່ຂອງຕົນຢ່າງສຸດຄວາມສາມາດ.
ແຫຼ່ງທີ່ມາ: ຂກທ
ວັນທີ 15/01/2025