ຟີລິບປິນ ຢືນຢັນພົບຜູ້ຕິດເຊື້ອໄວຣັສສັດປີກຊະນິດຮຸນແຮງ ກໍລະນີທຳອິດຂອງປະເທດ
ສຳນັກຂ່າວທາງການຟິລິບ ປິນລາຍງານໃນ ວັນທີ 11 ພຶດສະພາ 2025 ວ່າ: ກົມອຸດສາຫະກຳສັດ ພາຍໃຕ້ ກະຊວງກະສິກຳຂອງ ຟີລິບປິນ
ຢືນຢັນການກວດພົບເຊື້ອໄວຣັສໄຂ້ຫວັດສັດປີກຊະນິດຮຸນແຮງສາຍພັນ A ສາຍພັນຍ່ອຍ H5N9 ກໍລະນີທຳອິດ ໃນແຂວງ ຄາມາຣີເນສຊູ.
ແຫຼ່ງຂ່າວລະບຸວ່າ: ຫ້ອງທົດລອງການວິເຄາະ ແລະ ອ້າງອີງພະຍາດສັດ ໄດ້ລາຍງານຜົນການກວດພົບເຊື້ອໄວຣັສດັ່ງກ່າວ ຈາກຕົວຢ່າງ ເປັດ
ທີ່ເກັບກຳໃນລະຫວ່າງການສຳຫຼວດປົກກະຕິໃນວັນທີ 30 ເດືອນເມສາ ຜ່ານມາ, ໂດຍເຊື້ອໄວຣັສສາຍພັນ A ສາຍພັນຍ່ອຍ H5N9 ມີຄວາມ
ຮຸນແຮງສູງໃນນົກແຕ່ມີຄວາມສ່ຽງຕ່ຳຕໍ່ມະນຸດ, ໂດຍອ້າງອີງຈາກການປະເມີນລະດັບໂລກໃນປັດຈຸບັນ. ກົມອຸດສາຫະກຳສັດ ຈຶ່ງໄດ້ດຳເນີນການ
ເຝົ້າລະວັງຢ່າງເຂັ້ມງວດລະດັບພາກພື້ນທັນທີ ຫຼັງຈາກກວດພົບເຊື້ອໄວຣັສດັ່ງກ່າວ ຊຶ່ງລວມມີການຄວບຄຸມການກັກກັນ, ການແຍກຕົວ, ການ
ກວດກາ ແລະ ການປະສານງານກັບອົງການທ້ອງຖິ່ນ. ໃນວັນດຽວກັນ, ໜ່ວຍງານຫ້ອງວິເຄາະຍັງໄດ້ແຈ້ງໃຫ້ ກະຊວງສາທາລະນະສຸກຕິດຕາມ
ການສຳຜັດເຊື້ອໄວຣັສໃນມະນຸດທີ່ອາດຈະເກີດຂື້ນ. ນອກນັ້ນ ຍັງໄດ້ຮຽກຮ້ອງໃຫ້ປະຊາຊົນເຝົ້າລະວັງ ແລະ ລາຍງານການເສຍຊີວິດ ຫລື ເຈັບ
ປ່ວຍຂອງສັດປີກທີ່ຜິດປົກກະຕິໄປຍັງໜ່ວຍງານທີ່ກ່ຽວຂ້ອງໃຫ້ໄວທີ່ສຸດ.
ແຫຼ່ງທີ່ມາ: ຂກທ
ວັນທີ 14/05/2025