ສະຫະລັດ ອາເມຣິກາ-ສປ ຈີນ ເລີ່ມດຳເນີນການເຈລະຈາດ້ານການຄ້າ
ວັນທີ 12 ພຶດສະພາ 2025 ສະຫະລັດ ອາເມຣິກາ ແລະ ສປ ຈີນ ໄດ້ເລີ່ມດຳເນີນກອງປະຊຸມຂັ້ນສູງກ່ຽວກັບບັນ ດາບັນຫາເສດຖະກິດ
ແລະ ການຄ້າໃນວັນທີ 10 ພຶດສະພາ 2025 ທີ່ປະເທດ ສະວິດ.
ຄະນະຜູ້ແທນ ສະຫະລັດ ອາເມຣິກາ ນຳໂດຍ ທ່ານ ສະກອັດ ແບດເຊັນ ລັດຖະມົນຕີກະຊວງການເງິນ ອາເມຣິກາ, ຝ່າຍ ສປ ຈີນ ນຳ
ໂດຍ ທ່ານ ຮາລີເຟິງ ຮອງນາຍົກລັດຖະມົນຕີ, ຜູ້ຮັບຜິດຊອບບັນດາບັນຫາເສດຖະກິດ ແລະ ການຄ້າ ຈີນ-ອາເມຣິກາ. ນີ້ແມ່ນການພົບປະ
ໂດຍກົງຄັ້ງທຳອິດລະຫວ່າງ 2 ຄະນະຜູ້ແທນຂອງ 2 ປະເທດ ນັບແຕ່ ທ່ານ ໂດນັນ ທຣຳ ປະທາ ນາທິບໍດີ ສະຫະລັດ ອາເມຣິກາ ຈັດວາງພາ
ສີອາກອນຕໍ່ສິນຄ້າຂອງ ຈີນ ແລະ ຫຼາຍປະເທດທົ່ວໂລກ.
ໃນຖະແຫຼງການທີ່ໄດ້ຍົກອອກມາກ່ອນດຳເນີນການເຈລະຈາ, ທ່ານ ໂດນັນ ທຣຳ ໄດ້ເປີດເຜີຍວ່າ, ສະຫະລັດ ອາເມຣິກາ ອາດຈະຫຼຸດ
ຜ່ອນພາສີໃຫ້ແກ່ ຈີນ ລົງຢູ່ໃນລະດັບ 80%, ລະດັບທີ່ທ່ານຖືວ່າມີຄວາມເໝາະສົມ.
ແຫຼ່ງທີ່ມາ: ຂກທ
ວັນທີ 13/05/2025