ຣັດເຊຍ ແລະ ອູແກຼນ ແລກປ່ຽນສະເລີຍເສິກ ຄັ້ງທຳອິດ ພາຍຫລັງຂໍ້ຕົກລົງຢູ່ ອິສຕັນບູນ
ວັນທີ 11 ມິຖຸນາ ກະຊວງປ້ອງກັນປະເທດ ຣັດເຊຍເປີດເຜີຍວ່າ, ຣັດເຊຍ ແລະ ອູແກຼນ ໄດ້ດຳເນີນການແລກປ່ຽນສະເລີຍເສິກຄັ້ງທຳອິດ
ຕາມຂໍ້ຕົກລົງທີ່ບັນລຸໄດ້ໃນຂອບເຂດຮອບເຈລະຈາສັນຕິພາບຢູ່ ອິສຕັນບູນ ປະເທດ ຕວກກີ. ກຸ່ມພົນທະຫານ ທຳອິດ ທີ່ອູແກຼນ ແລກປ່ຽນ
ແມ່ນບັນດາພົນທະຫານມີອາຍຸຕ່ຳກວ່າ 25 ປີ.
ປັດຈຸບັນ ໄດ້ສົ່ງກັບ ເບລາຣູດ ເພື່ອຮັບເອົາການຫນູນຊ່ວຍທາງການແພດ ທີ່ຈຳເປັນ. ຂະນະທີ່ ຣັດເຊຍ ກໍ່ແລກປ່ຽນຈຳນວນສະເລີຍເສິກ
ອູແກຼນ ທຽບເທົ່າກັນ, ແຕ່ສອງຝ່າຍ ບໍ່ເຜີຍຕົວເລກລະອຽດ. ໃນວັນດຽວກັນ, ທ່ານ ດີມີຕຣີ ເປສຄອບ ໂຄສົກປະຈໍາທໍານຽບ ເຄຣມລິນກ່າວ
ວ່າ, ມົດສະກູ ສືບຕໍ່ ປະຕິບັດຕາມບັນດາຄຳໝັ້ນສັນຍາທີ່ບັນລຸໄດ້ໃນຂອບເຂດບັນດາການເຈລະຈາສັນຕິພາບ, ພ້ອມທັງຢືນຢັນ: ຣັດເຊຍ ຍາມ
ໃດກໍ່ປະຕິບັດຢ່າງເຂັ້ມງວດບັັນດາຂໍ້ຕົກລົງທີ່ໄດ້ລົງນາມ, ໃນນັ້ນ ມີບັນດາເນື້ອໃນທີ່ກ່ຽວຂ້ອງເຖິງການແລກປ່ຽນສະເລີຍເສິກ ເຊິ່ງໄດ້ຕົກລົງ.
ເຫັນດີໃນຮອບເຈລະຈາຢູ່ ອິສຕັນບູນ. ສ່ວນທ່ານ ເຊເລັນສະກີ ປະທານາທິບໍດີ ອູແກຼນ ຢັ້ງຢືນວ່າ, ການແລກປ່ຽນສະເລີຍເສິກ ກັບຣັດເຊຍ
ພວມດຳເນີນ ແລະ ການເຄື່ອນໄຫວນີ້ ຈະໄດ້ຮັບການປະຕິບັດຕາມຫຼາຍໄລຍະໃນຊຸມມື້ຈະມາເຖິງນີ້.
ແຫຼ່ງທີ່ມາ: ຂກທ
ວັນທີ 12/06/2025