ຕະຫຼາດດອກໄມ້ສົດທີ່ໃຫຍ່ທີ່ສຸດໃນອາຊີ
ສຳນັກຂ່າວ ຊິນຮວາ ລາຍງານ ວັນທີ 3 ມີນາ ນີ້ວ່າ: ຕະຫຼາດດອກໄມ້ ໂຕ່ວໜານຂອງ ສປ ຈີນ ກາຍເປັນຕະຫຼາດດອກໄມ້ສົດທີ່
ໃຫຍ່ທີ່ສຸດໃນອາຊີ, ເຊິ່ງມີປະລິມານ ການຊື້-ຂາຍ ດອກໄມ້ ລວມມີ 14.180 ລ້ານດອກ ເມື່ອປີ 2024 ເພີ່ມຂຶ້ນ 5% ເມື່ອທຽບໃສ່
ປີຕໍ່ປີ ແລະ ກວມເອົາມູນຄ່າ 11.500 ລ້ານຢວນ ເຮັດໃຫ້ປະລິມານ ແລະ ມູນຄ່າການຊື້-ຂາຍສູງສຸດໃນ ສປຈີນ ຕິດຕໍ່ກັນ 25 ປີ.
ໂດຍຕະຫລາດດອກໄມ້ ໂຕ່ວໜານ ຕັ້ງຢູ່ເຂດເສີງກົງ ຂອງ ເມືອງຄຸນຫມິງ ໃນແຂວງຢຸນນານ ທາງຕາເວັນຕົກສ່ຽງໃຕ້ ຂອງ ສປ
ຈີນ, ນອກຈາກຈະເປັນຕະຫຼາດດອກໄມ້ສົດທີ່ໃຫຍ່ທີ່ສຸດໃນອາຊີແລ້ວ, ຍັງເປັນສູນກາງ ການຄ້າດອກໄມ້ສົດ ທີ່ມີຂະໜາດໃຫຍ່ທີ່ສຸດ
ອັນດັບ 2 ຂອງໂລກຕື່ມອີກ, ໂດຍດອກໄມ້ ຈາກແຫ່ງນີ້ ໄດ້ນຳສົ່ງໄປຈຳໜ່າຍ ໃນທຸກແຂວງ ຢູ່ ສປ ຈີນ ແລະ ປະເທດຕ່າງໆ ທົ່ວໂລກ
ຫລາຍກວ່າ 50 ແຫ່ງ ລວມເຖິງ ຍີ່ປຸ່ນ ແລະ ໄທ ອີກດ້ວຍ.
ແຫຼ່ງທີ່ມາ: ຂກທ
ວັນທີ 04/03/2025