ຈີນ ຈະເປັນເຈົ້າການເຮັດທຸກຢ່າງ ເພື່ອປົກປັກຮັກສາຄວາມໝັ້ນຄົງດ້ານຍຸດທະສາດທົ່ວໂລກ
ວັນທີ 30 ພຶດສະພານີ້, ທ່ານເມີ້ງຊຽງຊີ່ງ ຫົວໜ້າຄະນະຜູ້ແທນຊ່ຽວຊານນັກວິຊາການກອງທັບປົດປ່ອຍປະຊາຊົນຈີນ ທັງເປັນ
ສາສະດາຈານມະຫາວິທະຍາໄລປ້ອງກັນຊາດຂອງຈີນ ໄດ້ເຂົ້າຮ່ວມກອງປະຊຸມສົນທະນາຊາງກຣີລາ ຄັ້ງທີ 23 ທີ່ຈັດຂຶ້ນຢູ່ສິງກະໂປ
ແລະ ກ່າວຄຳປາໄສທີ່ພາດຫົວເລື່ອງວ່າ “ທຸ່ມເທກຳລັງທາງບວກເພື່ອປົກປັກຮັກສາຄວາມໝັ້ນຄົງດ້ານຍຸດທະສາດທົ່ວໂລກ”.
ທ່ານເມີ້ງຊຽງຊີ່ງກ່າວວ່າ: ຄວາມໝັ້ນຄົງດ້ານຍຸດທະສາດທົ່ວໂລກໃນປັດຈຸບັນໄດ້ຜະເຊີນໜ້າກັບສິ່ງທ້າທາຍຫຼາຍຂັ້ນ, ຈີນສະເໜີ
ຂໍ້ລິເລິ່ມຄວາມໝັ້ນຄົງທົ່ວໂລກ ແລະ ຂໍ້ລິເລິ່ມການບໍລິຫານທົ່ວໂລກ, ມີຄວາມເຫັນໃຫ້ຍຶດໝັ້ນລັດທິຫຼາຍຝ່າຍ ແລະ ການປົກຄອງ
ດ້ວຍກົດໝາຍສາກົນ, ຊຸກຍູ້ການສ້າງລະບົບການຄຸ້ມຄອງຄວາມໝັ້ນຄົງທົ່ວໂລກທີ່ຍຸດຕິທຳ ແລະ ສົມເຫດສົມຜົນກວ່າເກົ່າ. ຫຼັກໝັ້ນ
ໃນບັນຫານິວເຄລຍຂອງຈີນແມ່ນສະເໝີຕົ້ນສະເໝີປາຍ,ທັງຈະແຈ້ງທີ່ສຸດ,ຈີນຍຶດໝັ້ນເດີນຕາມເສັ້ນທາງການພັດທະນາໂດຍສັນຕິ, ປະ
ຕິບັດຍຸດທະສາດນິວເຄລຍທີ່ປ້ອງກັນຕົວ ແລະ ຈະບໍ່ນຳໃຊ້ອາວຸດນິວເຄລຍກ່ອນ.
ແຫຼ່ງທີ່ມາ: ຂກທ
ວັນທີ 03/06/2026