ຈີນ-ຝຣັ່ງ ອອກຖະແຫຼງການຮ່ວມ ດ້ານການຮັບມືກັບການປ່ຽນແປງ ຂອງດິນຟ້າອາກາດ
ໂທລະພາບແຫ່ງ ສປ ຈີນ ລາຍງານໃນວັນທີ 30 ມີນາ 2025 ວ່າ: ເນື່ອງໃນໂອກາດການບັນລຸ “ສັນຍາປາຣີ” ຄົບຮອບ 10 ປີ, ຈີນ
ແລະ ຝຣັ່ງ ໄດ້ອອກຖະແຫຼງການຮ່ວມໃນວັນທີ 27 ມີນານີ້ ໂດຍໄດ້ເນັ້ນຢ້ຳເຖິງຄຳໝັ້ນສັນຍາທີ່ເດັດດ່ຽວໃນການຮ່ວມມືກັນຮັບມືກັບ
ວິກິດການປ່ຽນແປງຂອງດິນຟ້າອາກາດ. ສອງຝ່າຍໄດ້ເນັ້ນໜັກວ່າ: ຈະຈັດຕັ້ງປະຕິບັດເປົ້າໝາຍຂອງ “ສັນຍາປາຣີ” ຢ່າງຮອບດ້ານ, ຊຸກ
ຍູ້ໃຫ້ທົ່ວໂລກພັດທະນາຕາມທິດກາກບອນຕ່ຳ ເພື່ອບັນລຸການປ່ຽນແປງລະບົບພະລັງງານຢ່າງຍຸດຕິທຳ ແລະ ເປັນລະບຽບ.
ຖະແຫຼງການດັ່ງກ່າວຍັງຮຽກຮ້ອງໃຫ້ປະຊາຄົມໂລກເພີ່ມທະວີການຮ່ວມມືຫຼາຍຝ່າຍບົນພື້ນຖານ “ຮ່ວມກັນປະຕິບັດໜ້າທີ່ແຕ່ມີ
ຄວາມຮັບຜິດຊອບທີ່ແຕກຕ່າງກັນ” ແລະ ສະໜັບສະໜູນໝາກຜົນສຳຄັນທີ່ບັນລຸໃນກອງປະຊຸມພາຄີຄັ້ງທີ 30 ກ່ຽວກັບສົນທິສັນຍາ
ຂອບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດ ຫຼື COP30 ທີ່ຈັດຂຶ້ນໂດຍບຣາຊິນ. ຈີນສະໜັບສະໜູນຝຣັ່ງຈັດ
ກອງປະຊຸມອົງການສະຫະປະຊາຊາດກ່ຽວກັບມະຫາສະໝຸດທີ່ນະຄອນນິສປີ 2025 ຕາມມາດຕະຖານສູງສຸດ, ສອງຝ່າຍຈະຮ່ວມກັນ
ຊຸກຍູ້ໃຫ້ສັນຍາສາກົນວ່າດ້ວຍການປົກປັກຮັກສາຄວາມຫຼາກຫຼາຍທາງຊີວະນານາພັນມະຫາສະໝຸດ ມີຜົນບັງຄັບໃຊ້ ແລະ ເລັ່ງຈັດຕັ້ງ
ປະຕິບັດທຶນຮັບມືກັບການປ່ຽນແປງຂອງດິນຟ້າອາກາດ, ຊ່ວຍຊຸກຍູ້ເສດຖະກິດໂລກຫັນເປັນສີຂຽວ ແລະ ພັດທະນາແບບຍືນຍົງ.
ແຫຼ່ງທີ່ມາ: ຂກທ
ວັນທີ 03/04/2025