ຄະນະນໍາທາງການ ອີຣານ ກ່າວ: ອາເມຣິກາ ລະເມີດສັນຍາຢຸດຍິງຢ່າງຈະແຈ້ງ
ວັນທີ 27 ພຶດສະພາ ຜ່ານມາ, ໂຄສົກກະຊວງການຕ່າງປະເທດ ອີຣານ ຖະແຫຼງການລະບຸວ່າ: ກອງທັບອາເມຣິກາ ສືບຕໍ່ການກະ
ທຳທີ່ຜິດກົດໝາຍ ແລະ ໄຮ້ເຫດຜົນນັບແຕ່ມີການປະກາດຢຸດຍິງເປັນຕົ້ນມາ, ໂດຍສະເພາະແມ່ນການກະທຳແບບໂຈນສະຫຼັດທີ່ປະຕິ
ບັດຕໍ່ກຳປັ່ນການຄ້າອີຣານ ຫຼາຍເທື່ອໃນໄລຍະມໍ່ໆມານີ້, ພາຍໃນເວລາ 48 ຊົ່ວໂມງຜ່ານມາ, ກອງທັບອາເມຣິກາ ໄດ້ປະຕິບັດການທີ່
ເປັນການລະເມີດສັນຍາຢຸດຍິງຢ່າງໜັກໜ່ວງ ແບບຈະແຈ້ງຢູ່ເຂດທະເລຊ່ອງ ແຄບ ຮໍມຸສ. ທາງການອີຣານ ຂໍກ່າວປະນາມຢ່າງຮຸນແຮງ
ຕໍ່ການກະທຳທີ່ເປັນການຮຸກຮານດັ່ງກ່າວນີ້, ເຊິ່ງເປັນການລະເມີດມາດຕາ 2 ຂໍ້ທີ 4 ຂອງກົດບັດສະຫະປະຊາຊາດ ແລະ ສັນຍາຢຸດຢິງ,
ພ້ອມທັງເຫັນວ່າ ລັດຖະບານອາເມຣິກາ ຄວນຮັບຜິດຊອບຕໍ່ຜົນທີ່ອາດຈະເກີດຂຶ້ນຕາມມາທັງໝົດ. ຖະແຫຼງການລະບຸຕື່ມວ່າ: ອີຣານ
ຈະຕອບໂຕ້ການກະທຳທີ່ຊົ່ວຮ້າຍຢ່າງເດັດຂາດ ແລະ ຈະບໍ່ລັງເລໃຈຢ່າງເດັດຂາດ ໃນການປົກປ້ອງນ່ານຟ້າ, ເຂດນ້ຳດິນແດນ ຂອງອີຣານ
ຢ່າງຊອບທຳ. ຄະນະດຽວກັນ, ຕາມ ທ່ານ ອາລາເອັດດິນ ໂບຣູເຈີດີ ສະມາຊິກຄະນະກຳມະການຄວາມໝັ້ນ ຄົງແຫ່ງຊາດອີຣານ ຢືນຢັນ
ວ່າ: ອີງຕາມຮ່າງສັນຍາໃນເບື້ອງຕົ້ນທີ່ອີຣານກັບອາເມຣິກາໄດ້ຕົກລົງກັນ, ອາເມຣິກາ ຈະໃຫ້ຄຳໝັ້ນສັນຍາ ຢຸດຍິງຮອບດ້ານເປັນເວ ລາ
60 ວັນໃນໄລຍະທຳອິດຢູ່ແນວຮົບທັງໝົດ ໂດຍສະເພາະແມ່ນຢູ່ໃນດິນແດນຂອງລີບັງ. ທ່ານ ໂບຣູເຈີດີ ໃຫ້ຮູ້ວ່າ: ການຍົກເລີກການອາ
ຍັດຊັບສິນສ່ວນໜຶ່ງຂອງອີຣານ ແລະ ຍຸດຕິການປິດກັ້ນທາງທະເລ ກໍແມ່ນໜຶ່ງໃນບັນດາເນື້ອໃນຂອງສັນຍາດັ່ງກ່າວ. ພ້ອມນັ້ນ ອົງການ
ການຕ່າງປະເທດ ແລະ ລະບົບແຫ່ງຊາດຂອງອີຣານ ຈະບໍ່ຕັດສິນໃຈໂດຍອີງຕາມຖ້ອຍຄວາມຂອງທ່ານ ໂດນັນ ທຣຳ ທີ່ລົງໃນສື່ສັງຄົມ
ອອນລາຍ. ໂດຍກ່າວວ່າ: ເວົ້າສຳລັບອີຣານ ແລ້ວ, ສິ່ງສຳຄັນແມ່ນຜົນສຸດທ້າຍຂອງການເຈລະຈາ, ເອກະສານທຸກສະບັບທີ່ເຂົ້າສູ່ໄລຍະ
ການລົງນາມໃນຂັ້ນສຸດທ້າຍນັ້ນ ລ້ວນແຕ່ຈະສອດຄ່ອງກັບຂອບເສັ້ນຕ້ອງຫ້າມດ້ານໂຄງປະກອບຂອງອີຣານ ແລະ ສ້າງຂຶ້ນ ໂດຍມີເປົ້າ
ໝາຍເພື່ອປົກປັກຮັກສາຜົນປະໂຫຍດແຫ່ງຊາດ ແລະ ສິດທິຂອງປະຊາຊົນ.
ແຫຼ່ງທີ່ມາ: ຂກທ
ວັນທີ 02/06/2026