ນາຍົກລັດຖະມົນຕີ ການາດາ ຮຽກຮ້ອງການເລືອກຕັ້ງ ທົ່ວປະເທດ ໃນເດືອນ ເມສາ ນີ້
ທ່ານ ມາກ ເຊີເນ ນາຍົກລັດຖະມົນຕີການາດາ
ໃນວັນທີ 23 ມີນາ 2025 ນີ້: ທ່ານ ມາກ ເຊີເນ ນາຍົກລັດຖະມົນຕີການາດາ ຄົນໃໝ່ ໄດ້ຮຽກຮ້ອງຈັດການເລືອກຕັ້ງທົ່ວປະເທດ
ກ່ອນກຳນົດເວລາໃນວັນທີ 28 ເມສາ 2025 ນີ້. ໃນບົດກ່າວປາໄສ ທ່ານ ມາກ ເຊີເນ ໃຫ້ຮູ້ວ່າ: ໄດ້ສະເໜີໃຫ້ທ່ານ ນາງ ມາຣີ ໄຊມອນ
ຜູ້ມີອຳນາດເຕັມຍຸບສະພາແຫ່ງຊາດ ໃນທ້າຍເດືອນເມສາ ແລະ ໄດ້ຮັບຄວາມເຫັນດີ. ການກະທຳດັ່ງກ່າວ ດຳເນີນໄປໃນສະພາບການທີ່
ສາຍພົວພັນລະຫວ່າງ ການາດາ ແລະ ອາເມຣິກາ ພວມເຄັ່ງຕຶງຂຶ້ນຕື່ມ ເຊິ່ງກ່ຽວຂ້ອງເຖິງບັນຫາການຄ້າ ແລະ ຄຳຖະແຫຼງຂອງທ່ານປະ
ທານາທິບໍດີອາເມຣິກາ ຕໍ່ເລື່ອງຢາກໂຮມການາດາ ເຂົ້າເປັນລັດໜຶ່ງຂອງ ອາເມຣິກາ.
ນາຍົກລັດຖະມົນຕີ ການາດາ ກ່າວຢ້ຳວ່າ: ພວກເຮົາຕ້ອງຜ່ານຜ່າວິກິດການທີ່ໃຫຍ່ພໍສົມຄວນນັບຕັ້ງແຕ່ກ່ອນ ຈົນມາຮອດປັດຈຸບັນ,
ຍ້ອນບັນດາການກະທຳດ້ານການຄ້າບໍ່ມີຄວາມຍຸຕິທຳ. ວິທີການຮັບມືຂອງພວກເຮົາ ແມ່ນສ້າງພື້ນຖານເສດຖະກິດທີ່ເຂັ້ມແຂງໃນປະເທດ
ທີ່ມີຄວາມປອດໄພ.
ແຫຼ່ງທີ່ມາ: ຂກທ
ວັນທີ 27/03/2025