ຜູ້ນໍາ ອາເມຣິກາ ແລະ ອູແກຼນ ສົນທະນາກັນທາງໂທລະສັບ
ທ່ານ ໂດນັນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ສົນທະນາກັນທາງໂທລະສັບ ກັບ ທ່ານ ເຊເລັນສະກີ ປະທານາທິບໍດີ ອູແກຼນ
ວິທະຍຸກະຈາຍສຽງ ຫວຽດນາມ ລາຍງາຍວັນທີ 21 ມີນານີ້ວ່າ: ທ່ານ ໂດນັນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ສົນທະນາ
ກັນທາງໂທລະສັບທີ່ແກ່ຍາວເປັນເວລາໜຶ່ງຊົ່ວໂມງກັບ ທ່ານ ເຊເລັນສະກີ ປະທານາທິບໍດີ ອູແກຼນ, ພາຍຫຼັງການໂອ້ລົມທາງໂທລະສັບກັບທ່ານ
ວະລາດີເມຍ ປູຕິນປະທານາທິບໍດີ ຣັດເຊຍ.
ຜູ້ນໍາ ສະຫະລັດ ອາເມຣິກາ ໃຫ້ຮູ້ວ່າ: ການໂອ້ລົມທາງໂທລະສັບແມ່ນເພື່ອແນໃສ່ປັບປຸງບັນດາຄວາມຮຽກຮ້ອງ ແລະ ຄວາມຕ້ອງການ
ຂອງທັງຣັດເຊຍ ແລະ ອູແກຼນ ໃຫ້ເໝາະສົມກັນ ໃນຂະນະທີ່ທ່ານກໍາລັງຊອກຫາວິທີການຊຸກຍູ້ຂໍ້ຕົກລົງຢຸດຍິງລະຫວ່າງສອງປະເທດນີ້. ດ້ານ
ຜູ້ນໍາ ອູແກຼນ ກໍໄດ້ສະແດງຄວາມຂອບ ໃຈຕໍ່ທ່ານ ທ່ານ ໂດນັນ ທຣຳ ແລະ ການໜູນຊ່ວຍຂອງ ສະຫະລັດ ອາເມຣິກາ ເຊິ່ງຖືເປັນການໂອ້ລົມ
ທາງໂທລະສັບມີລັກສະນະແທ້ຈິງ ແລະ ກົງໄກກົງມາ, ພ້ອມທັງຢັ້ງຢືນວ່າ, ອູແກຼນ ພ້ອມແລ້ວທີ່ຈະຢຸດຕິການບຸກໂຈມຕີເລັ່ງໃສ່ບັນດາຮາກ
ຖານພະລັງງານຂອງ ຣັດເຊຍ.
ແຫຼ່ງທີ່ມາ: ຂກທ
ວັນທີ 26/03/2025