ທ່ານ ຫວາງຢີ້ ພົບປະເຈລະຈາກັບລັດຖະມົນຕີການຕ່າງປະເທດອັງກິດ
ວິທະຍຸໂທະພາບສູນກາງຈີນ ລາຍງານວັນທີ 18 ຕຸລາ 2024 ນີ້ວ່າ: ທ່ານຫວາງຢີ້ ກຳມະການກົມການເມືອງສູນກາງພັກກອມມູນິດຈີນ
ລັດຖະມົນຕີກະຊວງການຕ່າງປະເທດຈີນ ໄດ້ພົບປະເຈລະຈາກັບທ່ານ ດາວິດ ລາມີ ລັດຖະມົນຕີ ກະຊວງການຕ່າງປະເທດອັງກິດ ຢູ່ທີ່ນະ
ຄອນຫຼວງປັກກິ່ງຂອງຈີນ.
ທ່ານ ຫວາງຢີ້ ກ່າວຕ້ອນຮັບ ແລະ ເວົ້າວ່າ: ຈີນເຫັນດີໃຫ້ຟື້ນຟູກົນໄກສົນທະນາ ແລະ ຮ່ວມມືໃນທຸກຂົງເຂດລະຫວ່າງສອງປະເທດຢ່າງ
ຮອບດ້ານ, ຕັ້ງໜ້າດຳເນີນການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດໃນຂົງເຂດການຄ້າການເງິນ ການພັດທະນາແບບສີຂຽວ ແລະຂົງ
ເຂດອື່ນໆ. ທ່ານ ດາວິດ ລາມີ ກ່າວຂອບໃຈອັນຕອ້ນຮັບອັນອົບອຸ່ນຈາກລັດຖະມົນຕີ ແລະ ເວົ້າວ່າ: ລັດຖະບານອັງກິດສຸມໃສ່ການເພີ່ມທະວີ
ການສົນທະນາ ແລະ ການຮ່ວມມືກັບຈີນ ພ້ອມທັງຄວບຄຸມຄວາມຂັດແຍ້ງຢ່າງມີປະສິດທິຜົນດ້ວຍຮູບແບບທີ່ລຽນຕິດ ເຄົາລົບເຊິ່ງກັນ ແລະ
ກັນ ແລະ ສອດຄ່ອງກັບຜົນປະໂຫຍດໄລຍະຍາວຂອງສອງຝ່າຍ. ສອງຝ່າຍຍັງໄດ້ແລກປ່ຽນຄວາມຄິດເຫັນກ່ຽວກັບບັນຫາຈຸດສຸມທັງສາກົນ
ແລະ ພາກພື້ນ ເຊັ່ນ: ວິກິດການອູແກຣນ ການປະທະກັນລະຫວ່າງປາແລັດສະຕິນ ແລະ ອິດສະລະແອນ ສະຖານະການມຽນມາ ແລະ ບັນ
ຫາອື່ນໆ.
ແຫຼ່ງທີ່ມາ: ຂກທ
ວັນທີ 22/10/2024