ອິດສະຣາແອນ ໄດ້ຄຸ້ມຄອງເນື້ອທີ່ 60% ຂອງເຂດກາຊາ
ທ່ານ ເບັນຈາມິນ ເນທັນຢາຮູ ນາຍົກລັດຖະມົນຕີອິດສະຣາແອນ
ສໍານັກຂ່າວ ຊິນຣວາ ລາຍງານໃນວັນທີ 19 ພຶດສະພານີ້, ທ່ານ ເບັນຈາມິນ ເນທັນຢາຮູ ນາຍົກລັດຖະມົນຕີອິດສະຣາແອນ
ຍອມຮັບວ່າ: ອິດສະຣາແອນ ໄດ້ຂະຫຍາຍຂອບເຂດຄວບຄຸມເຂດກາຊາມາໂດຍຕະຫຼອດ. ທ່ານກ່າວວ່າ: “ປັດຈຸບັນ, ເນື້ອທີ່ຢູ່ເຂດ
ກາຊາທີ່ອິດສະຣາແອນຄວບຄຸມບໍ່ແມ່ນ 50% ແລ້ວ, ຫາກແມ່ນ 60%.” ຕາມຂ່າວແຈ້ງວ່າ: ເດືອນມີນາປີນີ້, ອິດສະຣາແອນໄດ້
ເຜີຍແຜ່ “ແຜ່ນທີ່ເຂດກາຊາສະບັບ ໃໝ່” ສະແດງໃຫ້ເຫັນວ່າ: ນອກຈາກອິດສະຣາແອນໄດ້ຄຸ້ມຄອງເນື້ອທີ່ 50% ຂອງເຂດກາຊາ
ແລ້ວ, ຍັງໄດ້ເພີ່ມ “ເຂດຈຳກັດ” ໃໝ່ ທີ່ຂະຫຍາຍອອກນອກຂອບເຂດທີ່ຂີດແບ່ງ ຫຼື ຖືກກຳນົດໂດຍ “ເສັ້ນເຫຼືອງ”.
ອີງຕາມສັນຍາຢຸດຍິງໃນເຂດກາຊາໄລຍະທຳອິດ, ຢູ່ນອກ “ເສັ້ນເຫຼືອງ” ແມ່ນເຂດຄວບຄຸມຂອງກອງທັບອິດສະຣາແອນ, ຈະ
ບໍ່ອະນຸຍາດໃຫ້ກອງທັບອິດສະຣາແອນເຂົ້າປະຈຳ ຫຼື ປະຕິບັດງານໃດໆຢູ່ພາຍໃນ “ເສັ້ນເຫຼືອງ” ອີກຕໍ່ໄປ. ທະຫານອິດສະຣາແອນ
ເຄີຍຍິງ ແລະ ສັງຫານຊາວປາແລັດສະຕິນທີ່ໄດ້ຂ້າມ “ເສັ້ນເຫຼືອງ” ຫຼາຍເທື່ອ ແລະ ກ່າວວ່າ ກຸ່ມປະກອບອາວຸດຮາມາສໄດ້ກໍ່ການ
ໂຈມຕີໂດຍການ “ຂ້າມເສັ້ນເຫຼືອງ”.
ແຫຼ່ງທີ່ມາ: ຂກທ
ວັນທີ 21/05/2026