ປະທານາທິບໍດີ ອາເມຣິກາ ສັ່ງຢຸດການສະໜອງທຶນ
ໃຫ້ ສຳນັກຂ່າວ ວີໂອເອ ແລະ ສື່ມວນຊົນອື່ນໆ
ສຳນັກຂ່າວເອພີ ລາຍງານໃນວັນທີ 16 ມີນາ ວ່າ: ພະນັກງານຫຼາຍຮ້ອຍຄົນຂອງ ວີໂອເອ Voice of America (VOA), ວິທະ
ຍຸອາຊີເສລີ (Radio Free Asia), ວິທະຍຸເສລີເອີຣົບ (Radio Free Europe) ແລະ ສື່ອື່ນໆ ໄດ້ຮັບອີເມວໃນທ້າຍອາທິດຜ່ານມາ
ເຊິ່ງໄດ້ແຈ້ງຄຳສັ່ງຫ້າມເຂົ້າຫ້ອງການ, ລວມທັງການເກັບຄືນບັດສຳລັບສື່ມວນຊົນ ແລະ ອຸປະກອນການເຮັດວຽກອື່ນໆ.
ການປົດຕຳແໜ່ງດັ່ງກ່າວ ແມ່ນປະຕິບັດຕາມຄຳສັ່ງບໍລິ ຫານຂອງ ທ່ານ ໂດນັນ ທຣຳ ປະ ທານາທິບໍດີ ອາເມຣິກາ ໃນວັນທີ 14 ມີນາ
ຜ່ານມາ ເຊິ່ງກຳນົດໃຫ້ອົງການສື່ມວນຊົນໂລກຂອງອາເມຣິກາ (USAGM) ເປັນໜຶ່ງໃນອົງການຂອງລັດຖະບານກາງທີ່ບໍ່ຈຳເປັນ, ໂດຍ
ຫ້ອງການດັ່ງກ່າວ ມີພະນັກງານປະມານ 3.500 ຄົນ ແລະ ງົບປະມານ ປີ 2024 ປະມານ 886 ລ້ານໂດລາ. ຫ້ອງການດັ່ງກ່າວ ເຊິ່ງເປັນ
ອົງການແມ່ຂອງ VOA ໄດ້ຍົກ ເລີກສັນຍາທັງໝົດກັບບໍລິສັດວິທະຍຸກະຈາຍສຽງສາກົນທີ່ໄດ້ຮັບທຶນສະໜັບສະໜູນຈາກ ອາເມຣິກາ ເຊິ່ງ
ລວມທັງວິທະຍຸເສລີເອີຣົບ ແລະ ວິທະຍຸອາຊີເສລີ, ໂດຍທ່ານ ໄມເຄີລ ອັບຣາມໍວິດ ອຳນວຍການຂອງວີໂອເອ ກ່າວວ່າ: ພະນັກງານເກືອບ
ທັງໝົດ ຊຶ່ງເປັນນັກຂ່າວ, ຜູ້ຜະລິດລາຍການ ແລະ ຜູ້ຊ່ວຍປະມານ 1.300 ຄົນ ໄດ້ຖືກພັກວຽກໂດຍບໍ່ໄດ້ຮັບຄ່າຈ້າງ.
ດ້ານທຳນຽບຂາວ ລະບຸວ່າ: ການປົດພະນັກງານມີເປົ້າໝາຍໃຫ້ຜູ້ທີ່ເສຍພາສີບໍ່ຕ້ອງແບກຮັບພາລະຄ່າໃຊ້ຈ່າຍສຳລັບການໂຄສະນາ
ຊວນເຊື່ອອີກຕໍ່ໄປ. ເຖິງຢ່າງໃດກໍຕາມ, ມີການຄາດຄະເນວ່າ ການປົດພະນັກງານຄັ້ງນີ້ຈະປະສົບກັບສິ່ງທ້າທາຍ ເນື່ອງຈາກລັດຖະສະພາ
ຄອງເກສ ມີອຳນາດຕາມລັດຖະທຳມະນູນໃນການຈັດສັນງົບປະມານ ບໍ່ແມ່ນປະທານາທິບໍດີ.
ແຫຼ່ງທີ່ມາ: ຂກທ
ວັນທີ 20/03/2025