ການພົວພັນຍຸດທະສາດຮອບດ້ານຍຸກໃໝ່ລະຫວ່າງ ຈີນ-ຣັດເຊຍ
ມີຄວາມກ້າວໜ້າຢ່າງຍືນຍົງ ແລະ ໝັ້ນຄົງ
ວັນທີ 17 ພຶດສະພານີ້ວ່າ: ທ່ານ ສີ ຈິ້ນຜິງ ປະທານປະເທດຈີນ ແລະ ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ ໄດ້ສົ່ງ
ສານອວຍພອນເຖິງງານວາງສະແດງສິນຄ້າຈີນ-ຣັດເຊຍຄັ້ງທີ 10. ທ່ານ ສີ ຈິ້ນຜິງ ໄດ້ຊີ້ໃຫ້ເຫັນວ່າ: ປີນີ້ແມ່ນປີຄົບຮອບ 30 ປີຂອງ
ການສ້າງຕັ້ງສາຍພົວພັນຄູ່ຮ່ວມປະສານງານຍຸດທະສາດລະຫວ່າງຈີນ-ຣັດເຊຍແລະຄົບຮອບ 25 ປີຂອງການເຊັນ “ສັນຍາວ່າດ້ວຍ
ບ້ານໃກ້ເຮືອນຄຽງທີ່ດີມິດຕະພາບແລະການຮ່ວມມືຈີນ-ຣັດເຊຍ”. ຫວັງວ່າວົງການຕ່າງໆຂອງສອງປະເທດຈະຖືງານວາງສະແດງຄັ້ງ
ນີ້ເປັນໂອກາດທີ່ດີ, ລົງເລິກການຮ່ວມມືຕົວຈິງທີ່ຄົບວົງຈອນ, ເພື່ອປະກອບສ່ວນອັນໃໝ່ເຂົ້າໃນການຊຸກຍູ້ໃຫ້ການພົວພັນຄູ່ຮ່ວມ
ປະສານງານຍຸດທະສາດຮອບດ້ານໃນຍຸກໃໝ່ລະຫວ່າງຈີນ-ຣັດເຊຍເດີນໄປຂ້າງໜ້າຢ່າງຍືນຍົງແລະໝັ້ນທ່ຽງ.
ໃນສານຂອງ ທ່ານ ວະລາດີເມຍ ປູຕິນໄດ້ລະບຸວ່າ: ງານວາງສະແດງສິນຄ້າຄັ້ງນີ້່ໄດ້ສຸມໃສ່ຂົງເຂດການຮ່ວມມືທີ່ສຳຄັນລະຫວ່າງ
ສອງຝ່າຍ, ເຊື່ອວ່າຈະໄດ້ຮັບຜົນສຳເລັດທາງບວກເຊິ່ງຈະເປັນການວາງແຜນການໃໝ່ໃຫ້ແກ່ອະນາຄົດດ້ານການຮ່ວມມືທີ່ຕ່າງຝ່າຍຕ່າງ
ໄດ້ຮັບຜົນປະໂຫຍດລະຫວ່າງສອງປະເທດ ແລະ ສ້າງຄວາມສຸກໃຫ້ແກ່ປະຊາຊົນສອງປະເທດ.
ແຫຼ່ງທີ່ມາ: ຂກທ
ວັນທີ 19/05/2026