ຊາວນູແວນເຊລັງ ເຂົ້າສູ່ຕະຫຼາດ ແຮງງານໄວຂຶ້ນ ແລະ ບຳນານຊ້າລົງ
ວັນທີ 12 ມິຖຸນາ 2025 ສຳນັກງານສະຖິຕິແຫ່ງຊາດນູແວນເຊລັງ ໄດ້ເປີດເຜີຍບົດລາຍງານການສຳຫຼວດສຳມະໂນຄົວສະບັບຫຼ້າສຸດ
ເຊິ່ງລະບຸວ່າ ໄວໜຸ່ມປະເທດນີ້ ກຳລັງເຂົ້າສູ່ຕະຫຼາດແຮງງານຫຼາຍຂຶ້ນ, ໃນຂະນະທີ່ຜູ້ອາຍຸສູງສືບຕໍ່ເຮັດວຽກຫຼາຍຂຶ້ນ.
ບົດລາຍງານສະແດງໃຫ້ເຫັນວ່າ: ປະມານ 66% ຂອງຊາວນູແວນເຊລັງ ທີ່ມີອາຍຸແຕ່ 15-29 ປີ ເຂົ້າສູ່ຕະຫຼາດແຮງງານໃນປີ 2023
ຊຶ່ງເພີ່ມຂຶ້ນຈາກ 57% ໃນປີ 2013. ໂດຍກຸ່ມອາຍຸ 15-19 ປີ ເຂົ້າສູ່ຕະຫຼາດແຮງງານເພີ່ມຂຶ້ນຫຼາຍທີ່ສຸດ ເຊິ່ງເພີ່ມຂຶ້ນຈາກ 33,7% ໃນ
ປີ 2013 ເປັນ 45,1% ໃນປີ 2023. ທ່ານ ໂຣສແມຣີ ກູດເຢຍ ໂຄສົກສຳນັກງານສະຖິຕິແຫ່ງຊາດນູແວນເຊລັງ ກ່າວວ່າ: ນີ້ເປັນຜົນມາ
ຈາກຕະຫຼາດແຮງງານພາຍຫຼັງການລະບາດຂອງບັນດາພະຍາດຕິດແປດ ໂດຍອັດຕາການຫວ່າງງານຕ່ຳ ແລະ ຄວາມຕ້ອງການແຮງງານສູງ ຫຼັງ
ຈາກຂໍ້ຈຳກັດຊາຍແດນກ່ຽວກັບການລະບາດຂອງພະຍາດໂຄວິດ-19. ຫຼາຍຂົງເຂດຂອງນູແວນເຊລັງທີ່ມີອຸດສາຫະກຳຕາມລະດູການທີ່ເຂັ້ມ
ແຂງ, ມີອັດຕາການຈ້າງງານໄວໜຸ່ມສູງທີ່ສຸດ, ໂອກາດເຮັດວຽກສ່ວນໃຫຍ່ຢູ່ໃນຂະແໜງການກະສິກຳ, ປ່າໄມ້ ແລະ ປູກໝາກລະແຊັງ. ໃນ
ຂະນະດຽວກັນ, ຊາວນູແວນເຊລັງ ທີ່ມີອາຍຸສູງມີທ່າອ່ຽງທີ່ຈະຢູ່ໃນຕະຫຼາດແຮງງານດົນຂຶ້ນ.
ໂດຍອັດຕາສ່ວນຂອງຜູ້ທີ່ມີອາຍຸ 65 ປີຂຶ້ນໄປທີ່ກຳລັງເຮັດວຽກເພີ່ມຂຶ້ນຈາກ 22% ໃນປີ 2013 ເປັນ 24% ໃນປີ 2023, ໂດຍກຸ່ມ
ອາຍຸ 70-74 ປີມີອັດຕາສ່ວນຫຼາຍທີ່ສຸດ. ທ່ານ ໂຣສແມຣີ ກູດເຢຍ ກ່າວຕື່ມວ່າ: ສຸຂະພາບທີ່ດີຂຶ້ນ, ອາຍຸຍືນຍາວ ແລະ ຄວາມກົດດັນທາງ
ດ້ານການເງິນແມ່ນປັດໄຈສຳຄັນທີ່ຢູ່ເບື້ອງຫຼັງທ່າອ່ຽງນີ້, ໂດຍການຈ້າງງານໃນກຸ່ມແມ່ຍິງອາຍຸສູງເພີ່ມຂຶ້ນຢ່າງໄວວາ.
ແຫຼ່ງທີ່ມາ: ຂກທ
ວັນທີ 17/06/2025