ອູແກຣນ ພ້ອມຈະປະຕິບັດຄຳສັ່ງຢຸດຍິງເປັນເວລາ 30 ວັນ
ສຳນັກຂ່າວຫວຽດນາມ ລາຍງານວັນທີ 12 ພຶດສະພາ 2025 ທ່ານ ເຊເລັນສະກີ ປະທານາທິບໍດີ ອູແກຣນ ພ້ອມກັບຜູ້ນຳ ອັງກິດ, ຝຣັ່ງ,
ເຢຍລະມັນ ແລະ ໂປໂລຍ ທີ່ພວມຢ້ຽມຢາມ ກີແອັບ ນະຄອນຫຼວງຂອງ ອູແກຣນ ໄດ້ມີການໂອ້ລົມທາງໂທລະສັບກັບ ທ່ານ ໂດນັນ ທຣຳ ປະ
ທານາທິບໍ ດີ ສະຫະລັດ ອາເມຣິກາ ໃນວັນທີ 10 ພຶດສະພາ ທີ່ຜ່ານມາ, ເພື່ອປຶກສາຫາລືບັນຫາການຢຸດສົງຄາມ ອູແກຼນ ແລະ ຣັດເຊຍ.
ໃນການໂອ້ລົມທາງໂທລະສັບຄັ້ງນີ້, ບັນດາຜູ້ນໍາເອີຣົບເຫັນດີພ້ອມແລ້ວຈະປະຕິບັດຄຳສັ່ງຢຸດຍິງຢ່າງສິ້ນເຊີງ ແລະ ບໍ່ມີເງື່ອນໄຂບໍ່ວ່າຈະຢູ່
ທາງບົກ, ທາງອາກາດ ແລະ ທາງທະເລ ແກ່ຍາວຢ່າງໜ້ອຍສຸດເປັນເວລາ 30 ວັນ, ເລີ່ມແຕ່ວັນທີ 12 ພຶດ ສະພາ 2025 ເປັນຕົ້ນໄປ, ເພື່ອ
ເປີດທາງໃຫ້ແກ່ບັນດາການເຈລະຈາສັນຕິພາບ ກ້າວໄປເຖິງ ການຢຸດຕິການປະທະກັນທີ່ແກ່ ຍາວເປັນເວລາກວ່າ 3 ປີຜ່ານມາລະຫວ່າງ ຣັດ
ເຊຍ ແລະ ອູແກຣນ. ໃນວັນດຽວກັນ, ທ່ານ ນາງ ເອີຊູລາ ໂວນເດ ເລເຢນ ປະທານຄະນະກຳມະການເອີຣົບ ເນັ້ນໜັກວ່າ: ຄຳສັ່ງຢຸດຍິງໃນ
ທັນທີຢູ່ ອູແກຼນ ຕ້ອງໄດ້ປະຕິບັດໃນທັນທີ ຫາກບໍ່ຕິດເງື່ອນໄຂເດັດຂາດໃດໆ.
ແຫຼ່ງທີ່ມາ: ຂກທ
ວັນທີ 13/05/2025