ສ ອາເມຣິກາ ປະກາດແຜນຄອງນ້ຳມັນໃນ ເວເນຊູເອລາ ມູນຄ່າກວ່າ 2,8 ຕື້ໂດລາສະຫະລັດ
ທ່ານ ໂດນັນ ທຣຳ ປະທານາທິບໍດີ ສ ອາເມຣິກາ ເປີດເຜີຍວ່າ: ເວເນຊູເອລາ ຈະສົ່ງມອບນ້ຳມັນໃຫ້ແກ່ ສ ອາເມຣິກາ ໃນປະລິມານ
ລະຫວ່າງ 30-50 ລ້ານຖັງ, ໂດຍນ້ຳມັນດັ່ງກ່າວ ຈະຖືກນຳອອກຈຳໜ່າຍໃນລາຄາຕະຫລາດ ແລະ ລາຍຮັບທີ່ເກີດຂຶ້ນຈະຖືກນຳໄປໃຊ້ເພື່ອ
ຜົນປະໂຫຍດຂອງປະຊາຊົນທັງສອງປະເທດ.
ທ່ານ ໂດນັນ ທຣຳ ລະບຸຜ່ານໂຊຊຽວມິເດຍວ່າ: ຝ່າຍບໍລິຫານຊົ່ວຄາວໃນ ເວເນຊູເອລາ ຈະມອບນ້ຳມັນຄຸນນະພາບສູງເຊິ່ງ ຢູ່ພາຍໃຕ້
ມາດຕະການຂວ້ຳບາດໃນແກ່ ສ ອາເມຣິກາ, ພ້ອມທັງ ເນັ້ນໜັກວ່າ: ເງິນຈາກການຈຳໜ່າຍນ້ຳມັນຈະຢູ່ພາຍໃຕ້ການກຳກັບດູແລຂອງ ທ່ານ
ໂດນັນ ທຣຳ ໃນຖານະປະທານາທິບໍດີ ສ ອາເມຣິກາ ເພື່ອໃຫ້ໝັ້ນໃຈວ່ານຳໄປໃຊ້ຕາມເປົ້າໝາຍດັ່ງກ່າວ. ເມື່ອອ້າງອີງຈາກລະດັບການຜະ
ລິດກ່ອນທີ່ ສ ອາເມຣິກາ ຈະໃຊ້ມາດຕະການປິດລ້ອມ, ປະລິມານ ນ້ຳມັນດັ່ງກ່າວທຽບເທົ່າກັບການຜະລິດຂອງ ເວເນຊູເອລາ ປະມານ
30-50 ວັນ. ຂະນະທີ່ ສ ອາເມຣິກາ ມີການຜະລິດນ້ຳມັນປະມານ 13,8 ລ້ານຖັງຕໍ່ວັນ.
ແຫຼ່ງທີ່ມາ: ຂກທ
ວັນທີ 13/01/2026