ປະທານາທິບໍດີ ໂດນັນ ທຣຳ ສົ່ງທະຫານ 2.000 ຄົນ ຮັບມືການປະທ້ວງ
ຈະລາຈົນ ແລະ ຈັບຊາວຜູ້ອົບພະຍົບຜິດກົດໝາຍ
ໃນວັນທີ 8 ມິຖຸນາ 2025 ປະທານາທິບໍດີ ໂດນັນ ທຣຳ ໄດ້ອອກຄຳສັ່ງສົ່ງທະຫານກອງກຳລັງພິທັກມາຕຸພູມ (National Guard)
ຈຳນວນ 2.000 ຄົນ ໄປນະຄອນລອສແອນເຈລິສ ໃນລັດແຄລິຟໍເນຍ ປະເທດ ສະຫະລັດ ອາເມຣິກາ ເພື່ອຄວບຄຸມສະຖານະການ ພາຍ
ຫຼັງເກີດເຫດປະທະລະຫວ່າງກຸ່ມຜູ້ປະທ້ວງຫຼາຍຮ້ອຍຄົນ ກັບເຈົ້າໜ້າທີ່ສຳນັກງານກວດຄົນເຂົ້າເມືອງ ແລະ ອາກອນ ຂອງອາເມຣິກາ ນັບ
ແຕ່ວັນທີ 6 ມິຖຸນາຜ່ານມາ ຫຼັງຈາກເຈົ້າໜ້າທີ່ ICE ປະຕິບັດການບຸກຄົ້ນ ແລະ ຈັບຜູ້ອົບພະຍົບທີ່ບໍ່ມີເອກະສານໃນຫຼາຍພື້ນທີ່ຂອງເມືອງ
ເຊິ່ງສົ່ງຜົນເຮັດໃຫ້ມີຜູ້ອົບພະຍົບຖືກຈັບຢ່າງໜ້ອຍ 118 ຄົນ. ການຕັດສິນໃຈສົ່ງທະຫານເຂົ້າໄປລອສແອນເຈລິສ ມີຂຶ້ນພາຍຫຼັງການປະທະ
ທະວີຄວາມຮຸນແຮງ ເຊິ່ງເຈົ້າໜ້າທີ່ໄດ້ໃຊ້ ແກັສນ້ຳຕາຍິງສະຫຼາຍຝູງຊົນ, ສ່ວນກຸ່ມຜູ້ປະທ້ວງດຶກສິ່ງຂອງ ແລະ ດອກໄມ້ໄຟໃສ່ເຈົ້າໜ້າທີ່
ລວມທັງຈູດໄຟເຜົາລົດ.
ທ່ານ ເກວິນ ນິວຊຳ ເຈົ້າຄອງລັດແຄລິຟໍເນຍ ໄດ້ໂພສຂໍ້ຄວາມຜ່ານ X ກ່າວວ່າ: ການຕັດສິນໃຈຂອງທ່ານ ໂດນັນ ທຣຳ ທີ່ເຂົ້າຄວບ
ຄຸມກອງກຳລັງພິທັກ ມາຕຸພູມຂອງລັດແຄລິຟໍເນຍ ແລະ ສົ່ງທະຫານເຂົ້າໄປລອສແອນເຈລິສ ເປັນການຕັ້ງໃຈຢົ່ວຢຸໃຫ້ສະຖານະການຮຸນ
ແຮງຂຶ້ນ.
ແຫຼ່ງທີ່ມາ: ຂກທ
ວັນທີ 12/06/2025