ນະຄອນໂຮ່ຈີມິນ ນຳໜ້າການພັດທະນາພື້ນຖານໂຄງລ່າງດີຈີຕອນໃນທົ່ວປະເທດ
ໜັງສືພິມກອງທັບປະຊາຊົນຫວຽດນາມ ລາຍງານໃຫ້ຮູ້ໃນ ວັນທີ 9 ກຸມພາ 2025 ນີ້ວ່າ: ຕາມຕາຕະລາງຈັດອັນດັບດັດຊະນີ
ການຫັນເປັນດີຈີຕອນ (DTI) ໂດຍກະຊວງຖະແຫຼງຂ່າວ ແລະ ການສື່ສານ ທີ່ຫາກໍປະກາດ, ນະຄອນໂຮ່ຈີມິນ ສືບຕໍ່ຖືກຈັດຢູ່ອັນດັບ
ທີ 1 ກ່ຽວກັບດັດຊະນີການພັດທະນາພື້ນຖານໂຄງລ່າງດ້ວຍລະບົບຄົມມະນາຄົມ, ອິນເຕີເນັດທີ່ທັນສະໄໝ, ການປົກຄຸມໃນວົງກວ້າງ,
ຕອບສະໜອງຄວາມຕ້ອງການໃນການເຊື່ອມຕໍ່, ແລກປ່ຽນຂໍ້ມູນຂອງປະຊາຊົນ ແລະ ວິສາຫະກິດຢ່າງສຸດຂີດ.
ດ້ວຍການຜັນຂະຫຍາຍ ໄອພີວີ 6 (IPv6), ກໍ່ສ້າງເຄືອຂ່າຍສາຍກາບແສງ, ການປົກຄຸມສັນຍານມືຖືເຖິງ100% ໃນບໍລິ ເວນນະ
ຄອນ, ພ້ອມທັງຊຸກຍູ້ການພັດທະນາອິນເຕີເນັດ 5G ໄດ້ສ້າງສະຖານທີ່ດີຈີຕອນເຊື່ອມຕໍ່, ບໍ່ມີຂໍ້ຈຳກັດ. ນະຄອນໂຮ່ຈີມິນ ໄດ້ພັດທະນາ
ບັນດາພື້ນຖານດີຈີຕອນໃຫຍ່, ຊ່ວຍສ້າງພື້ນຖານຂໍ້ມູນເຊື່ອມຕໍ່, ຄົບຊຸດ ແລະ ເປັນເອກະພາບ.
ແຫຼ່ງທີ່ມາ: ຂກທ
ວັນທີ 11/02/2025