ຣັດເຊຍ-ມາເລເຊຍ ຍົກລະດັບຄວາມຮ່ວມມື ດ້ານເສດຖະກິດ-ການຄ້າ
ສຳນັກຂ່າວ ຊິນຮວາ ລາຍງານວັນທີ 5 ກັນຍາ ນີ້ວ່າ: ທ່ານ ວາລາດີເມຍ ປູຕິນ ປະທານາທິບໍດີ ຣັດເຊຍ ໄດ້ຕ້ອນຮັບ ທ່ານ ອັນວາຣ
ອິບຣາຮີມ ນາຍົກ ລັດຖະມົນຕີ ມາເລເຊຍ ຢູ່ນອກກອບກອງປະຊຸມເສດຖະກິດຕາເວັນອອກ (ອີອີເອຟ) ທີ່ ເມືອງ ວະລາດີວອດ ສະຕອກ.
ໂດຍ ທ່ານ ອັນວາຣ ອິບຣາຮີມ ໄດ້ຊົມເຊີຍການຂັບເຄື່ອນນະໂຍບາຍ ຂອງ ທ່ານ ວາລາດີເມຍ ປູຕິນ ທີ່ສາມາດຂັບເຄື່ອນ ຣັດເຊຍ ໃຫ້ກ້າວ
ໄປຂ້າງໜ້າໄດ້ຢ່າງເປັນຮູບປະທຳ ແລະ ສະແດງຄວາມມຸ້ງໝັ້ນຂະຫຍາຍຂອບເຂດ ການຮ່ວມມືທາງການຄ້າດ້ວຍຫລາກຫລາຍຮູບແບບ ເພື່ອ
ພະຍາຍາມຮ່ວມມືກັນໃຫ້ໄດ້. ນອກນັ້ນ, ຜູ້ນຳທັງສອງ ຍັງປຶກສາຫາລື ແລະ ແລກປ່ຽນຄວາມຄິດເຫັນ ກ່ຽວກັບ ການຂະຫຍາຍຂອບເຂດໃນ
ການຮ່ວມມືກ່ຽວກັບ ເຊມິຄອນດັກເຕີຣ ເຄື່ອງບິນ, ເຕັກໂນໂລຊີຂັ້ນສູງທາງດ້ານກະສິກຳ ແລະ ຄວາມໝັ້ນຄົງດ້ານອາຫານ. ໃນຂະນະທີ່ຜູ້ນຳ
ມາເລເຊຍ ຍັງຈະເຮັດໜ້າທີ່ ປະທານ ສະມາຄົມປະຊາຊາດແຫ່ງອາຊີ ຕາເວັນອອກ ສ່ຽງໃຕ້ (ອາຊຽນ) ໃນສົກປີ 2025 ວ່າ: ໂດຍສະມາຊິກ
ອາຊຽນ ທັງ 10 ປະເທດ ລ້ວນແລ້ວຕ້ອງການມີສ່ວນຮ່ວມດ້ານການຄ້າ ທີ່ເປີດກວ້າງ ກັບ ຣັດເຊຍ ອີກດ້ວຍ.
ແຫຼ່ງທີ່ມາ: ຂກທ
ວັນທີ 09/09/2024