4 ປະເທດກະກຽມດຳເນີນການຊ້ອມຮົບຮ່ວມຢູ່ Malabar
ວິທະຍຸກະຈາຍສຽງຫວຽດນາມລາຍງານເມື່ອບໍ່ດົນຜ່ານມາວ່າ: ກອງທັບເຮືອອິນເດຍ ໄດ້ແຈ້ງໃຫ້ຊາບກ່ຽວກັບການຊ້ອມຮົບ Malabar
ດ້ວຍການເຂົ້າຮ່ວມ ຂອງກອງທັບເຮືອອິນເດຍ, ອາເມຣິກາ, ອົດສະຕາລີ ແລະ ຍີ່ປຸ່ນ ຈະດຳເນີນຊ້ອມຮົບ ໃນວັນທີ 8 ຕຸລາ 2024 ເພື່ອມຸ່ງ
ໄປເຖິງການເພີ່ມທະວີຄວາມສາມາດໃນການປະສົມປະສານລະຫວ່າງກຳລັງກອງທັບເຮືອ ກຸ່ມ 4 ປະເທດ ໃນສະພາບການຄວາມໝັ້ນຄົງ ໃນ
ພາກພື້ນ ນັບມື້ນັບມີການຜັນແປທີ່ສັບສົນ. ຕາມແຜນການແລ້ວ, ການຊ້ອມຮົບຮ່ວມຈະແກ່ຍາວ 11 ວັນ ເລີ່ມແຕ່ໄລຍະກະກຽມຢູ່ທ່າກຳປັ່ນ
Visakhapatnam (ອິນເດຍ) ແລະ ບັນດາການຊ້ອມຮົບຮ່ວມທາງທະເລ, ຈະສຸມໃສ່ເຂົ້າການເພີ່ມທະວີການຮ່ວມມື ຢູ່ພາກພື້ນມະຫາສະ
ໝຸດອິນເດຍ-ປາຊີຟິກ. ການຊ້ອມຮົບ Malabar ໄດ້ເລີ່ມຕົ້ນແຕ່ປີ 1992 ຄືການເຄື່ອນໄຫວຮ່ວມມືສອງຝ່າຍ ລະຫວ່າງກອງທັບເຮືອຂອງ ອາ
ເມຣິກາ ແລະ ອິນເດຍ ແຕ່ໄດ້ພັດທະນາ ກາຍເປັນເຫດການຫຼາຍຝ່າຍສໍາຄັນ, ເພື່ອແນ່ໃສ່ປັບປຸງຄວາມສາມາດໃນການປະສົມປະສານ ແລະ
ແກ້ໄຂບັນດາສິ່ງທ້າທາຍລວມ ໃນຂົງເຂດການເດີນເຮືອຢູ່ພາກພື້ນ ມະຫາສະໝຸດ ອິນເດຍ ແລະ ມະຫາສະໝຸດ ອິນເດຍ-ປາຊີຟິກ.
ແຫຼ່ງທີ່ມາ: ຂກທ
ວັນທີ 08/10/2024