ເນປານ ກຽມໃຫ້ການຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພນຳຖ້ວມ
ຂ່າວສານຊິນຮວາຂອງ ຈີນ ລາຍງານໃຫ້ຮູ້ໃນວັນທີ 30 ກັນຍາ 2024 ນີ້ວ່າ: ລັດຖະບານເນປານ ໄດ້ເຫັນດີໃຫ້ເງິນຊ່ວຍເຫຼືອຊົດເຊີຍແກ່
ຄອບຄົວຂອງປະຊາຊົນທີ່ສູນເສຍສະມາຊິກໃນຄອບຄົວ ແລະ ໄດ້ຮັບຜົນກະທົບຈາກໄພນຳຖ້ວມ ແລະ ດິນເຈື່ອນໃນອາທິດຜ່ານມາ ຄອບຄົວ
ລະປະມານ 1.500 ໂດລາສະຫະລັດ. ພາຍຫຼັງທີ່ມີລາຍງານຍອດຜູ້ເສຍຊີວິດຈາກເຫດການດັ່ງກ່າວເພີ່ມຂຶ້ນເຖິງ 205 ຄົນ ແລະ ຫາຍສາບສູນ
ອີກຫຼາຍຄົນ. ລາຍງານໄດ້ໃຫ້ຮູ້ວ່າ: ຄະນະລັດຖະບານເນປານ ໄດ້ຈັດສັນເງິນຊົດເຊີຍໃຫ້ກັບກອງທຶນຊ່ວຍເຫຼືອບັນເທົາທຸກໄພພິບັດ ເປັນຈຳນວນ
ເງິນເກືອບ 7,5 ລ້ານໂດລາສະຫະລັດ. ຕຳຫຼວດເນປານ ໄດ້ໃຫ້ຮູ້ໃນຕອນແລງຂອງວັນທີ 30 ກັນຍາ ທີ່ຜານມາວ່າ: ເຫດຝົນຕົກໜັກຈົນເກີດ
ໄພນ້ຳຖ້ວມ ໄດ້ເຮັດໃຫ້ມີຜູ້ສູນຫາຍ ຈຳນວນ 24 ຄົນ ແລະ ໄດ້ຮັບບາດເຈັບອີກ 130 ຄົນ. ປັດຈຸບັນ, ໜ່ວຍງານກູ້ໄພຍັງຄົງສືບຕໍ່ດຳເນີນການ
ຊ່ວຍເຫຼືອ ແລະ ຄົ້ນຫາຜູ້ຫາຍສາບສູນ.
ແຫຼ່ງທີ່ມາ: ຂກທ
ວັນທີ 02/10/2024